തിരുവല്ല സെന്റർ സിഇഎം – സൺഡേ സ്കൂൾ ഏകദിന റിട്രീറ്റ് ഒക്ടോബർ 2 ന്

തിരുവല്ല: ക്രിസ്ത്യൻ ഇവാഞ്ചലിക്കൽ മൂവ്മെന്റും സൺഡേ സ്കൂൾ അസോസിയേഷൻ തിരുവല്ല സെന്ററും സംയുക്തമായി സംഘടിപ്പിക്കുന്ന ഏകദിന റിട്രീറ്റ് ഒക്ടോബർ 2ന് മഞ്ഞാടി എസ്.എഫ്.സി.യിൽ നടക്കും. രാവിലെ 9 മുതൽ വൈകിട്ട് 4 വരെയാണ് പരിപാടി.

“ദൈവത്തിന്റെ ഹിതവും നിങ്ങളുടെ വിളിയും തിരിച്ചറിയുക” എന്നതാണ് റിട്രീറ്റിന്റെ പ്രമേയം. 3 മുതൽ 13 വയസ്സുവരെയുള്ള കുട്ടികൾക്കായി തിമോഥ ഇൻസ്റ്റിറ്റ്യൂട്ട് ക്ലാസ് എന്ന പേരിൽ പ്രത്യേക പരിശീലനവും സംഘടിപ്പിച്ചിട്ടുണ്ട്.

പാസ്റ്റർ ടി. എം. ഫിലിപ്പ് റിട്രീറ്റ് ഉദ്ഘാടനം ചെയ്യും. ഇവാഞ്ചലിസ്റ്റ് ജിഫി യോഹന്നാൻ മുഖ്യപ്രഭാഷണം നടത്തും.  ജിതിൻ എബ്രഹാം അതിഥി പ്രഭാഷകനായും ഇവാഞ്ചലിസ്റ്റ് ബോവസ് രാജു ആരാധനാ ശുശ്രൂഷയ്ക്ക് നേതൃത്വം നൽകുകയും ചെയ്യും.

യുവജനങ്ങളുടെയും കുട്ടികളുടെയും ആത്മീയ വളർച്ച, ദൈവഹിതം തിരിച്ചറിയൽ, വ്യക്തിപരമായ വിളി മനസ്സിലാക്കൽ എന്നിവയ്ക്ക് പ്രാധാന്യം നൽകുന്ന രീതിയിലാണ് റിട്രീറ്റ് ക്രമീകരിച്ചിരിക്കുന്നത്.

തിരുവല്ല സെന്റർ ക്രിസ്ത്യൻ ഇവാഞ്ചലിക്കൽ മൂവ്മെന്റും സൺഡേ സ്കൂൾ വിഭാഗവും ചേർന്നാണ് പരിപാടി സംഘടിപ്പിക്കുന്നത്. പാസ്റ്റർമാരായ ഫിന്നി സി. മോൻസിയും കെ. വി. വർഗീസും സംഘാടനത്തിന് നേതൃത്വം നൽകുന്നു. യുവജനങ്ങൾക്കും കുട്ടികൾക്കും മാതാപിതാക്കൾക്കും റിട്രീറ്റിൽ പങ്കെടുക്കാമെന്ന് സംഘാടകർ അറിയിച്ചു.

- Advertisement -