കുമരകത്തിന്റെ സ്വന്തം രാജപ്പൻ ചേട്ടന് രാജ്യന്തര പുരസ്കാരം
കുമരകം: വേമ്പനാട് കായലിന്റെ കാവലാള് കോട്ടയം കുമരകം സ്വദേശി എന് എസ് രാജപ്പന് തായ്വാന് സര്ക്കാരിന്റെ ആദരം. ജന്മനാ രണ്ടു കാലിനും സ്വാധീനമില്ലാത്തയാളാണ് രാജപ്പന്. പരിമിതികളെ അവഗണിച്ച് വേമ്പനാട് കായലില് വലിച്ചെറിയുന്ന കുപ്പികള് പെറുക്കിയാണ് രാജപ്പന്റെ ഉപജീവനം.
തായ്വാന്റെ ദി സുപ്രീം മാസ്റ്റര് ചിങ് ഹായ് ഇന്റര്നാഷണലിന്റെ വേള്ഡ് പ്രൊട്ടക്ഷന് അവാര്ഡാണ് രാജപ്പന് ലഭിച്ചത്.
പ്രശംസാ ഫലകവും 10000 ഡോളര്(ഏകദേശം 730081 രൂപ) അടങ്ങുന്നതാണ് പുരസ്കാരം.
കായലില് വലിച്ചെറിയുന്ന കുപ്പികള് പെറുക്കി ജീവിക്കുന്ന കോട്ടയത്തെ രാജപ്പന് ചേട്ടനെ സോഷ്യല് മീഡിയയിലൂടെയാണ് ലോകമറിഞ്ഞത്.
രാവിലെ ആറ് മണിയാകുമ്പോള് രാജപ്പന് ചേട്ടന് വള്ളവുമായി കായലിലിറങ്ങും. മിക്കപ്പോഴും രാത്രിയാകും മടങ്ങിയെത്താന്. കൂടുതലൊന്നും കിട്ടിയില്ലെങ്കിലും അന്നത്തെ ചെലവിനുള്ള ചില്ലറ കിട്ടണമെന്ന ആഗ്രഹം മാത്രമാണ് രാജപ്പനുള്ളത്. 14വര്ഷമായി രാജപ്പന് ചേട്ടന് ഈ തൊഴില് തുടങ്ങിയിട്ട്. പ്രധാനമന്ത്രിയുടെ മന് കി ബാത്തിലും രാജപ്പനെ പ്രശംസിച്ചിരുന്നു. പ്രധാനമന്ത്രിയുടെ രാജപ്പൻ ചേട്ടനെ പറ്റിയുള്ള ഈ പരാമർശം രാജ്യന്തര ശ്രദ്ധ നേടിയിരുന്നു.വേമ്പനാട് കായല് സുന്ദരിയായി ഇരിക്കുന്നതാണ് തന്റെ ജോലിയിലെ സന്താഷമെന്ന് രാജപ്പന് പറഞ്ഞിരുന്നു.
ദയവായി ശ്രദ്ധിക്കുക : കൊവിഡ് മഹാമാരിയുടെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ക്രൈസ്തവ എഴുത്തുപുര കുടുംബം അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
- Advertisement -
Comments are closed.