ചെങ്ങന്നൂരിൽ ദുരിതബാധിത പ്രദേശങ്ങൾ സന്ദർശിച്ച് സഹായഹസ്തവുമായി മലങ്കര ഓർത്തഡോക്സ് സഭ നേതൃത്വം
ചെങ്ങന്നൂർ: ശക്തമായ മഴയെ തുടർന്നുണ്ടായ ദുരിതത്തിൽ കഴിയുന്ന ജനങ്ങൾക്ക് ആശ്വാസമേകുന്നതിനായി മലങ്കര ഓർത്തഡോക്സ് സഭയുടെ ചെങ്ങന്നൂർ ഭദ്രാസന മെത്രാപ്പോലീത്ത ഡോ. മാത്യൂസ് മാർ തിമോത്തിയോസ് ദുരിതബാധിത പ്രദേശങ്ങളും ദുരിതാശ്വാസ ക്യാമ്പുകളും സന്ദർശിച്ചു.
യുവജനപ്രസ്ഥാന പ്രവർത്തകരോടൊപ്പം വിവിധ ക്യാമ്പുകളിലെത്തിയ അദ്ദേഹം ദുരിതബാധിതരുമായി നേരിൽ കൂടിക്കാഴ്ച നടത്തി അവരുടെ ക്ഷേമം അന്വേഷിക്കുകയും ആവശ്യമായ സഹായങ്ങൾ കൈമാറുകയും ചെയ്തു. ഭക്ഷ്യവസ്തുക്കൾ, അവശ്യസാധനങ്ങൾ എന്നിവ ഉൾപ്പെടെയുള്ള ദുരിതാശ്വാസ പ്രവർത്തനങ്ങളിൽ യുവജനപ്രസ്ഥാന പ്രവർത്തകർ സജീവമായി പങ്കാളികളായി.
പ്രതിസന്ധി നേരിടുന്ന കുടുംബങ്ങൾക്ക് ആത്മീയവും മാനുഷികവുമായ പിന്തുണ ഉറപ്പാക്കുന്നതിനൊപ്പം തുടർന്നും ആവശ്യമായ സഹായങ്ങൾ ലഭ്യമാക്കുമെന്ന് സഭാ നേതൃത്വം അറിയിച്ചു. ദുരിതാശ്വാസ പ്രവർത്തനങ്ങളിൽ യുവജനപ്രസ്ഥാനത്തിന്റെ സജീവ പങ്കാളിത്തം ശ്രദ്ധേയമായി.
- Advertisement -
Comments are closed.