ഓണ്ലൈൻ തട്ടിപ്പ്: മുന്നറിയിപ്പുമായി കേരള പൊലീസ്
തിരുവനന്തപുരം: ഓണ്ലൈൻ തട്ടിപ്പുകളെ കുറിച്ച് മുന്നറിയിപ്പുമായി കേരള പൊലീസ്. നിരന്തരമായ ബോധവല്ക്കരണത്തിനുശേഷവും ഓണ്ലൈൻ തട്ടിപ്പിനിരയാകുന്നവരുടെ എണ്ണം കൂടുകയാണെന്നാണ് പൊലീസ് ഫേസ്ബുക്കില് പങ്കുവെച്ച പോസ്റ്റില് പറയുന്നത്. SMS ആയോ ഇ-മെയിലിലൂടെയോ വാട്ട്സ് ആപ്, മെസഞ്ചര്, ഇൻസ്റ്റാഗ്രാം തുടങ്ങിയവ വഴിയോ ലഭിക്കുന്ന ലഭിക്കുന്ന സംശയകരമായ സന്ദേശങ്ങള്ക്ക് ഒരു കാരണവശാലും മറുപടി നല്കാനോ അതിലെ ലിങ്കുകളില് ക്ലിക്ക് ചെയ്യാനോ പാടില്ലെന്നും പോസ്റ്റില് പറയുന്നു.
കേരള പൊലീസിന്റെ ഫേസ്ബുക്ക് പോസ്റ്റ്
നിരന്തരമായ ബോധവല്ക്കരണത്തിനുശേഷവും ഓണ്ലൈൻ തട്ടിപ്പിനിരയാകുന്നവരുടെ എണ്ണം കൂടുകയാണ്.
SMS ആയോ ഇ-മെയിലിലൂടെയോ വാട്ട്സ് ആപ്, മെസഞ്ചര്, ഇൻസ്റ്റാഗ്രാം തുടങ്ങിയവ വഴിയോ ലഭിക്കുന്ന ലഭിക്കുന്ന സംശയകരമായ സന്ദേശങ്ങള്ക്ക് ഒരു കാരണവശാലും മറുപടി നല്കാനോ അതിലെ ലിങ്കുകളില് ക്ലിക്ക് ചെയ്യാനോ പാടില്ല.
പണമോ ബാങ്ക് വിവരങ്ങളോ ആവശ്യപ്പെടുന്ന സന്ദേശങ്ങളോട് ഒരിക്കലും പ്രതികരിക്കരുത്. ബാങ്കുകള് ഒരിക്കലും നിങ്ങളുടെ അക്കൗണ്ട് സംബന്ധിച്ച വിവരങ്ങള് വെളിപ്പെടുത്താൻ ആവശ്യപ്പെടില്ല.
ഇത്തരം സന്ദേശങ്ങളില് ഏതെങ്കിലും ഫിഷിംഗ് സൈറ്റിലേയ്ക്ക് നയിക്കുന്ന ലിങ്കുകള് ഉള്പ്പെടുത്തിയിട്ടുണ്ടാവും. ലിങ്കില് ക്ലിക്ക് ചെയ്യുന്നതുവഴി നിങ്ങളുടെ വ്യക്തിഗത വിവരങ്ങള് തട്ടിപ്പുകാര് കൈക്കലാക്കുന്നു.
തട്ടിപ്പിനിരയായാല് ഒരുമണിക്കൂറിനകം തന്നെ വിവരം 1930 ല് അറിയിക്കുക. www cybercrime gov in എന്ന വെബ്സൈറ്റിലും പരാതി രജിസ്റ്റര് ചെയ്യാം.
വ്യാജ ലോണ് ആപ്പുകളെ കുറിച്ചും പൊലീസ് മുന്നറിയിപ്പ് നല്കിയിട്ടുണ്ട്. ‘വ്യാജ ലോണ് ആപ്പുകാരുടെ കെണിയില് പെടാതിരിക്കുക. ഓണ്ലൈൻ തട്ടിപ്പിന് ഇരയായാല് ഉടൻ തന്നെ വിവരം 1930 എന്ന സൈബര് പോലീസ് ഹെല്പ് ലൈൻ നമ്ബറില് അറിയിക്കുക. ഒരു മണിക്കൂറിനകം തന്നെ ഈ നമ്ബറില് വിവരമറിയിച്ചാല് പണം തിരിച്ചുപിടിക്കാനുള്ള സാധ്യത കൂടുതലാണ്’. ഫേസ്ബുക്ക് പോസ്റ്റില് കേരള പൊലീസ് കുറിച്ചു.
- Advertisement -
Comments are closed.