കർണ്ണാടക സ്റ്റേറ്റ് വൈ.പി.ഇ യൂത്ത് ക്യാമ്പിന് ഉജ്ജ്വല തുടക്കം

ജോസ് വലിയകാലായിൽ

ബെം​ഗളൂരു: ചർച്ച് ഓഫ് ​ഗോഡ് കർണ്ണാടക സ്റ്റേറ്റ് വൈ.പി.ഇ. യൂത്ത് ക്യാമ്പ് ദൊഡ്ഡബല്ലാപുര മർത്തോമ്മാ ക്യാമ്പ് സെന്ററിൽ ഇന്ന് വൈകുന്നേരത്തോടെ ആരംഭിച്ചു.
വൈ.പി.ഇ. കർണ്ണാടക സ്റ്റേറ്റ് സെക്രട്ടറി ബ്രദർ ജാൻസ് പി. തോമസ് അദ്ധ്യക്ഷനായിരുന്ന പ്രാരംഭയോ​ഗത്തിൽ വൈ.പി.ഇ. കർണ്ണാടക സ്റ്റേറ്റ് പ്രസിഡന്റ് പാസ്റ്റർ ജോസഫ് ജോൺ ക്യാമ്പ് ഉദ്ഘാടനം ചെയ്തു. വൈ.പി.ഇ. എക്സിക്യൂട്ടീവ് അം​ഗം പാസ്റ്റർ കുര്യാക്കോസ് സ്വാ​ഗതം ആശംസിച്ചു. തുടർന്ന് പാസ്റ്റർ ജെൻസൻ ജോയി ക്യാമ്പിന്റെ വിഷയത്തെ സദസിനു പരിചയപ്പെടുത്തി. പാസ്റ്റർ ബിനു ചെറിയാൻ (മാലൂർ), ചർച്ച് ഓഫ് ​ഗോഡ് കർണ്ണാടക സ്റ്റേറ്റ് കൗൺസിൽ സെക്രട്ടറി പാസ്റ്റർ ഇ.ജെ. ജോൺസൻ, പാസ്റ്റർ റോജി ഈശോ, പാസ്റ്റർ മത്തായി വർ​ഗ്​ഗീസ് എന്നിവർ ആശംസകൾ അറിയിച്ചു.
ചർച്ച് ഓഫ് ​ഗോഡ് കേരള എജ്യൂക്കേഷൻ ഡയറക്ടർ പാസ്റ്റർ ഷിബു കെ. മാത്യു, ഡോ. എബി പി. മാത്യു‌ (ബീഹാർ), പാസ്റ്റർ ജോ തോമസ് (ബെം​ഗലൂരു) എന്നിവർ വിവധ സെക്ഷനുകളിലായി ക്ലാസ്സുകൾ നയിക്കും.
​ഗ്രൂപ്പ് തലത്തിലുള്ള വിവിധ പരിപാടികൾ, ​സണ്ടേസ്കൂൾ-വൈ.പി.ഇ താലന്തുപരിശോധന എന്നിവ വരും ദിവസങ്ങളിൽ നടക്കും. സംസ്ഥാനത്തിന്റെ വിവിധ ഇടങ്ങളിൽ നിന്നുമുള്ള യുവജനങ്ങൾ ഈ ക്യാമ്പിൽ പങ്കെടുക്കുന്നു. കുട്ടികൾക്കായുള്ള പ്രത്യേക പ്രോഗ്രാമിന് എക്സൽ മിനിസ്ട്രി നേതൃത്വം നൽകും. സോണി സി. ജോർജ്ജിന്റെ നേതൃത്വത്തിലുള്ള വൈ.പി.ഇ. ക്വയർ ​ഗാനശുശ്രൂഷയ്ക്ക് നേതൃത്വം നൽകുന്നു. 20-ാം തീയതി ശനിയാഴ്ച ഉച്ചയോടെ ക്യാമ്പ് സമാപിക്കും.

-ADVERTISEMENT-

You might also like