ഇന്ത്യൻ സമൂഹവുമായി ബന്ധം ശക്തിപ്പെടുത്താൻ പരിശീലന പരിപാടി; നവംബർ 14ന്

ഇല്ലിനോയിസ്: അമേരിക്കയിലെ ഇന്ത്യൻ സമൂഹവുമായി കൂടുതൽ ഫലപ്രദമായ ബന്ധങ്ങൾ സ്ഥാപിക്കുന്നതിനും അവരുടെ സാമൂഹിക-സാംസ്കാരിക പശ്ചാത്തലം മനസ്സിലാക്കുന്നതിനുമായി പാസ്റ്റർമാർക്കും മിഷനറിമാർക്കും ശുശ്രൂഷാ നേതാക്കൾക്കുമായി ഏകദിന പരിശീലന പരിപാടി സംഘടിപ്പിക്കുന്നു. “ഇന്ത്യൻ അയൽക്കാരുമായി പാലങ്ങൾ പണിയാം” എന്ന പേരിലുള്ള പരിപാടി നവംബർ 14ന് ഇല്ലിനോയിസിലെ വ്ഹീറ്റൺ കോളേജിൽ നടക്കും.

വ്ഹീറ്റൺ കോളേജിലെ ബില്ലി ഗ്രഹാം സെന്ററിന്റെ ഗ്ലോബൽ ഡയസ്പോറ ഇൻസ്റ്റിറ്റ്യൂട്ടിന്റെ നേതൃത്വത്തിലാണ് പരിപാടി സംഘടിപ്പിക്കുന്നത്. രാവിലെ 9 മുതൽ വൈകിട്ട് 5 വരെയാണ് പരിശീലനം.

അമേരിക്കയിൽ താമസിക്കുന്ന ഇന്ത്യൻ സമൂഹവുമായി സഭകൾക്കും ക്രൈസ്തവ ശുശ്രൂഷകർക്കും കൂടുതൽ അടുത്ത ബന്ധം സ്ഥാപിക്കുന്നതിനും സാംസ്കാരിക വൈവിധ്യങ്ങളെ മനസ്സിലാക്കി ശുശ്രൂഷാ പ്രവർത്തനങ്ങൾ കൂടുതൽ ഫലപ്രദമാക്കുന്നതിനും ആവശ്യമായ പരിശീലനവും ചർച്ചകളും പരിപാടിയുടെ ഭാഗമായി നടക്കും.

പരിശീലന പരിപാടിക്ക് ശേഷം “ഗവാഹ് – സാക്ഷി” എന്ന ഡോക്യുമെന്ററിയുടെ പ്രീമിയറും നടക്കും. വിശ്വാസം, ത്യാഗം, ആത്മീയ ജീവിതം എന്നിവയിലൂടെ ശ്രദ്ധേയനായ സാധു സുന്ദർ സിംഗിന്റെ കുടുംബത്തിന്റെ ജീവിതകഥയാണ് ഡോക്യുമെന്ററിയുടെ പ്രമേയം.

പാസ്റ്റർമാർ, മിഷനറിമാർ, വിവിധ ശുശ്രൂഷാ മേഖലകളിൽ പ്രവർത്തിക്കുന്ന നേതാക്കൾ എന്നിവർക്ക് പരിപാടിയിൽ പങ്കെടുക്കാം. എല്ലാവർക്കും പങ്കെടുക്കാൻ അവസരമുണ്ടെന്ന് സംഘാടകർ അറിയിച്ചു.

- Advertisement -