കാർഷിക നിയമങ്ങൾ പിൻവലിക്കുമെന്ന് കേന്ദ്രം; സമരം പിന്വലിക്കില്ലെന്ന് ഭാരതീയ കിസാന് യൂണിയന്
ന്യൂഡല്ഹി: കാര്ഷിക നിയമങ്ങള് പിന്വലിക്കാന് കേന്ദ്ര സര്ക്കാര് തീരുമാനിച്ചെന്ന് പ്രധാനമന്ത്രി നരേന്ദ്ര മോദി. മൂന്ന് കാര്ഷിക നിയമങ്ങളാണ് പിന്വലിക്കുന്നത്. ഇതിനായി പാര്ലമെന്റില് നടപടി സ്വീകരിക്കുമെന്നും പ്രധാനമന്ത്രി അറിയിച്ചു. കാര്ഷിക നിയമങ്ങളില് പാര്ലമെന്റില് ചര്ച്ച നടന്നിരുന്നുവെന്നും പ്രധാനമന്ത്രി പറഞ്ഞു. വ്യാപകമായി ഈ നിയമങ്ങള് സ്വാഗതം ചെയ്യപ്പെട്ടു. എന്നാല് ചിലര്ക്ക് ഈ നിയമത്തിന്റെ ഗുണമോ പ്രാധാന്യമോ മനസിലാകുന്നില്ല. നിയമത്തിന്റെ നേട്ടങ്ങള് വിശദീകരിക്കാന് സര്ക്കാര് നിരവധി ശ്രമങ്ങള് നടത്തി. ആത്മാര്ഥമായാണ് സര്ക്കാര് ഈ നിയമങ്ങള് കൊണ്ടുവന്നതെന്നും പ്രധാനമന്ത്രി പറഞ്ഞു. കര്ഷകരുടെ അഭിവൃദ്ധിക്കാണ് പ്രാധാന്യം നല്കുന്നത്. കര്ഷകരുടെ സ്ഥിതി ഇനിയും മെച്ചപ്പെടണം. കര്ഷകര്ക്ക് ഇപ്പോള് മികച്ച താങ്ങുവില കിട്ടുന്നുണ്ട്. ബജറ്റ് വിഹിതം അഞ്ചിരട്ടി കൂടിയും സര്ക്കാര് കര്ഷകര്ക്കൊപ്പം നിന്നുവെന്നും മോദി അവകാശപ്പെട്ടു. നിയമങ്ങള് പിന്വലിക്കുന്നത് ഒരാള് പോലും ബുദ്ധിമുട്ടാതിരിക്കാന് വേണ്ടിയത്. കര്ഷകരോട് സമരം അവസാനിപ്പിക്കണമെന്നും ആവശ്യപ്പെട്ടു. എന്നാൽ കര്ഷക സമരം പിന്വലിക്കില്ലെന്ന് ഭാരതീയ കിസാന് യൂണിയന് അറിയിച്ചു. സമരം പിന്വലിക്കുന്ന കാര്യത്തില് ഇന്ന് തീരുമാനമെടുക്കും. ഇതുസംബന്ധിച്ച് ചര്ച്ച ചെയ്യാന് കിസാന് മോര്ച്ച ഇന്ന് യോഗം ചേരും.
പാര്ലമെന്റില് കാര്ഷിക നിയമങ്ങള് പിന്വലിക്കുന്ന ദിവസം വരെ കാത്തിരിക്കും. നിയമങ്ങള് മാത്രമല്ല കര്ഷകരോടുള്ള നയങ്ങള് മാറണം.
അതേസമയം പ്രധാനമന്ത്രിയുടെ പ്രഖ്യാപനം കൊണ്ട് മാത്രം സമരം അവസാനിപ്പിക്കില്ലെന്ന് ഭാരതീയ കിസാന് യൂണിയന് കര്ഷക സംഘടനാ നേതാവ് രാകേഷ് ടിക്കായത്ത് പറഞ്ഞു.
കര്ഷക ഐക്യവും നീതിയും വിജയത്തിലേക്കെന്ന് സംയുക്ത കിസാന് മോര്ച്ച.എന്നാല് പ്രധാനമന്ത്രിയുടെ പ്രസ്താവനയെ വിശ്വസിക്കാനാകില്ലെന്നും കര്ഷകര് പറഞ്ഞു.
- Advertisement -
Comments are closed.