പാസ്റ്റർ സിസിൽ ചീരന്റെ സംസ്കാര ശുശ്രൂഷ ഫെബ്രുവരി 6 ന് മാഞ്ചസ്റ്ററിൽ; അനുസ്മരണ യോഗം ജനുവരി 30 ന്

മാഞ്ചസ്റ്റർ: യു.കെയിൽ വെച്ച് ജനുവരി 10 ന് കർത്താവിൽ നിദ്ര പ്രാപിച്ച മാഞ്ചസ്റ്റർ പെന്തെക്കോസ്ത് സഭാ ശുശ്രൂഷകൻ പാസ്റ്റർ സിസിൽ ചീരന്റെ അനുസ്മരണ യോഗം മാഞ്ചസ്റ്റർ പെന്തെക്കോസ്ത് സഭയുടെ നേതൃത്വത്തിൽ ജനുവരി 30 ശനിയാഴ്ച രാവിലെ 9 മുതൽ ഉച്ചക്ക് 1 വരെ സൂമിലൂടെ നടത്തപ്പെടും. സംസ്കാര ശുശ്രൂഷ ഫെബ്രുവരി 6 ന് മാഞ്ചസ്റ്ററിൽ നടക്കും. പ്രത്യേക പ്രാർത്ഥന ജനുവരി 23 ന് വൈകിട്ട് 4 മുതൽ 6 വരെ സൂമിലൂടെ നടക്കും. പാസ്റ്റർ കെ.കെ മാത്യു (എ.ജി മീനാങ്ങാടി) ദൈവവചനത്തിൽ നിന്നും പ്രസംഗിക്കും.
പാസ്റ്റർ സിസിലിനോടുള്ള ആദര സൂചകമായി അനുസ്മരണ യോഗങ്ങൾ ക്രമീകരിക്കാൻ ആഗ്രഹിക്കുന്നവർ സംസ്കാര ശുശ്രൂഷയ്ക്ക് ശേഷം മാത്രം യോഗങ്ങൾ ക്രമീകരിക്കണമെന്ന് സഭാ ഭാരവാഹികൾ അറിയിച്ചു.