ഇന്നത്തെ ചിന്ത : ഭ്രാന്തമായ മനുഷ്യ ഹൃദയം | ജെ.പി വെണ്ണിക്കുളം

On Sep 16, 2020 805

സഭാപ്രസംഗി 9:3 എല്ലാവർക്കും ഒരേഗതി വരുന്നു എന്നുള്ളതു സൂര്യന്റെ കീഴിൽ നടക്കുന്ന എല്ലാറ്റിലും ഒരു തിന്മയത്രേ; മനുഷ്യരുടെ ഹൃദയത്തിലും ദോഷം നിറഞ്ഞിരിക്കുന്നു; ജീവപര്യന്തം അവരുടെ ഹൃദയത്തിൽ ഭ്രാന്തു ഉണ്ടു; അതിന്റെ ശേഷമോ അവർ മരിച്ചവരുടെ അടുക്കലേക്കു പോകുന്നു.

എല്ലാ മനുഷ്യർക്കും ഭ്രാന്തുണ്ട് എന്നു പറഞ്ഞാൽ അംഗീകരിക്കാൻ ബുദ്ധിമുട്ടുണ്ടാകും എങ്കിലും തിരുവചനം അതു നമ്മെ പഠിപ്പിക്കുന്നു. കൂടാതെ മനഃശാസ്ത്രപരമായും ഇതു ശരി തന്നെയാണ്. കോപവും, അവിവേകമായ സംസാരവും പ്രവർത്തിയുമെല്ലാം ഇതിനു തെളിവാണ്.ലൂക്കോസ് 6:11ൽ “അവരോ ഭ്രാന്തു നിറഞ്ഞവരായി യേശുവിനെ എന്തു ചെയ്യേണ്ടു എന്നു തമ്മിൽ ആലോചന കഴിച്ചു” എന്നു വായിക്കുന്നുണ്ടല്ലോ. ഇതിന്റെയെല്ലാം മൂലകാരണം പാപം തന്നെയാണ്.