യു. എ. ഇ. യു.പി.എഫ് മുഖാവരണങ്ങൾ കൈമാറി
പത്തനംതിട്ട : ദുബായ് യു പി എഫ് ( യുണൈറ്റഡ് പെന്തെക്കോസ്തു ഫെല്ലോഷിപ് )ന്റെ നേതൃത്വത്തിൽ ജില്ലാ യുവജന കമ്മീഷന്റെ സഹകരത്തോടെ നിർമ്മിച്ച മുഖാവരണങ്ങൾ കോന്നി എം. എൽ.എ ജെനീഷ് കുമാർ ഐ.പി.സി സംസ്ഥാന സമിതി അംഗം പാസ്റ്റർ സാം പനച്ചയിലിനു കൈമാറി. സി ജി ഐ കോന്നി സെന്റർ പാസ്റ്റർ ജോസഫ് സാം അധ്യക്ഷത വഹിച്ചു. പാസ്റ്റർ ഷൈജു മാത്യു, കെ. എബ്രഹാം, അനീഷ്, ജോയൽ എന്നിവർ നേതൃത്വം നൽകി.
ജീവകാരുണ്യ പ്രവർത്തനങ്ങൾക്ക് എന്നും സജീവമായി മുന്നിൽ നിൽക്കുന്ന യു പി എഫ്, യു. എ. ഇ ചാപ്റ്റർ പ്രതിസന്ധിയിൽ ആയിരുന്ന പ്രവാസികളെ നാട്ടിൽ എത്തിക്കുന്നതിന് രണ്ട് ചാർട്ടേർഡ് വിമാനങ്ങൾ ഷാർജ വർഷിപ് സെന്റർ ചെയർമാൻ ഡോ. വിൽസൺ ജോസഫിന്റെ നേതൃത്വത്തിൽ ദുബായിൽ നിന്നും തിരുവനന്തപുരത്തേക്കും, കൊച്ചിയിലേക്കും അയക്കുകയുണ്ടായി. ബുദ്ധിമുട്ട് അനുഭവിച്ച പ്രവാസികൾക്കായി യു. എ. ഇ യിൽ ഫുഡ് കിറ്റ് വിതരണവും നടത്തിയതായി യു. പി. എഫ് ഭാരവാഹികൾ പാസ്റ്റർ ജോൺ മാത്യു, ജിബു മാത്യു, രാജൻ എബ്രഹാം എന്നിവർ അറിയിച്ചു.
- Advertisement -
Comments are closed.