ദൈവനാമത്തിനുവേണ്ടി ചിലവാക്കുവാനും ചിലവിടുവാനും ക്രൈസ്തവ സമൂഹം ചെയ്യുന്ന പങ്ക് വിലപ്പെട്ടതാണ്. ഇതു ക്രിസ്തീയ ധർമ്മമായതിനാൽ അധികമായി ചെയ്യുവാൻ നാം കടപ്പെട്ടിരിക്കുന്നു. അതു സന്തോഷത്തോടെയും സ്വമേധയായും ചെയ്യേണ്ടതാണ്. ഹൃദയവിശാലതയിൽ നിന്നും ചെയ്യുന്നതാണ് ദൈവം നോക്കുന്നത്. സദൃ.11:24 പറയുന്നു, ‘ഒരുവൻ വാരിവിതറിയിട്ടും വർധിച്ചുവരുന്നു’ എന്നാണ്. നന്മ വിതയ്ക്കുന്നവന് നന്മയും തിന്മ വിതയ്ക്കുന്നവന് തിന്മയും തിരികെ കിട്ടും. അമർത്തി അമർത്തി കുലുക്കി കുലുക്കി നല്ലൊരു അളവ് നിങ്ങളുടെ മടിയിൽ തരുമെന്നാണല്ലോ കർത്താവും പറഞ്ഞിരിക്കുന്നത് (ലൂക്കോസ് 6:38). പ്രിയരെ, നാം ചെയ്യുന്നതൊക്കെ ദൈവത്തിനെന്നപോലെ മനസ്സോടെ ചെയ്യുക. ഇങ്ങനെ ചെയ്യുന്നവരെ അവിടുന്നു നീതിയുടെ വിളവു വർധിപ്പിച്ചു മാനിക്കും.
ധ്യാനം: 2 കൊരിന്ത്യർ 9
ജെ.പി വെണ്ണിക്കുളം
- Advertisement -
Comments are closed.