- Advertisement -

വേനലിൽ ചുട്ടുപൊള്ളി രാജ്യതലസ്ഥാനം: സ്കൂളുകൾ തുറക്കുന്നത് ജൂലൈ 8 വരെ നീട്ടി ഡൽഹി സർക്കാർ

ന്യൂഡൽഹി : രാജ്യ തലസ്ഥാനത്തെ ചൂടുള്ള കാലാവസ്ഥയെ ചൂണ്ടിക്കാട്ടി എട്ടാം ക്ലാസ് വരെ വിദ്യാർത്ഥികൾക്ക് വേനൽക്കാല അവധി ഒരാഴ്ച കൂടി നീട്ടാൻ ദില്ലി സർക്കാർ ഉത്തരവിട്ടു. എട്ടാം ക്ലാസ് വരെയുള്ള സ്കൂളുകൾ ജൂലൈ 9 മുതൽ വീണ്ടും തുറക്കും,  മുൻ ഷെഡ്യൂൾ അനുസരിച്ച് 9മുതൽ ഉള്ള ക്ലാസുകൾ വീണ്ടും ഇന്ന് വീണ്ടും തുറക്കും. ഡൽഹിസർക്കാരിന്റെ ഈ ഉത്തരവ് പൊതു-സ്വകാര്യ സ്കൂളുകൾക്ക് ബാധകമാണെന്ന് ദില്ലി ഉപമുഖ്യമന്ത്രിയും വിദ്യാഭ്യാസ മന്ത്രിയുമായ മനീഷ് സിസോഡിയ ട്വീറ്റ് ചെയ്തു. ദില്ലിയിലെ ദിവസേന ചൂട് കൂടിവരുന്ന കാലാവസ്ഥ കണക്കിലെടുത്ത്  എട്ടാം ക്ലാസ് വരെയുള്ള വിദ്യാർത്ഥികൾക്ക് വേനൽക്കാല അവധിക്കാലം ജൂലൈ 8 വരെ ആണ് നീട്ടി നൽകാൻ തീരുമാനം ആയത്. മറ്റ് ക്ലാസുകൾക്ക് മുൻ ഷെഡ്യൂൾ അനുസരിച്ച് സ്കൂളുകൾ വീണ്ടും തുറക്കുമെന്ന് സിസോഡിയ പറഞ്ഞു. വേനൽക്കാല അവധിക്കാലം മെയ് 12 ന് ആരംഭിക്കുകയും ജൂലൈ 1 ന് അവസാനിക്കുകയും ചെയ്തിരുന്നു. എന്നിരുന്നാലും, ദേശീയ തലസ്ഥാനത്ത് വർദ്ധിച്ചുവരുന്ന താപനില ആണ് വീണ്ടും തുറക്കുന്ന തീയതികൾ മാറ്റം വരുത്താൻ സാഹചര്യം ഒരുങ്ങിയത്.

-ADVERTISEMENT-

-ADVERTISEMENT-

You might also like
Comments
Loading...