കുവൈത്ത് ടൗൺ മലയാളി ക്രിസ്ത്യൻ കോൺഗ്രിഗേഷൻ ടാലന്റ് ടെസ്റ്റ് ഓഗസ്റ്റ് 27ന്

Last updated Aug 15, 2026 226

കുവൈത്ത്: പ്രവാസി സമൂഹത്തിലെ ദൈവദത്തമായ കഴിവുകളെ പ്രോത്സാഹിപ്പിക്കുകയും ആത്മീയ വളർച്ചയ്ക്കും കൂട്ടായ്മയ്ക്കും അവസരമൊരുക്കുകയും ചെയ്യുന്ന കുവൈത്ത് ടൗൺ മലയാളി ക്രിസ്ത്യൻ കോൺഗ്രിഗേഷൻ (KTMCC) ടാലന്റ് ടെസ്റ്റ് 2026 ഓഗസ്റ്റ് 27ന് നടക്കും. കുവൈത്തിലെ NECK ചർച്ച് കോമ്പൗണ്ടിലാണ് പരിപാടി സംഘടിപ്പിച്ചിരിക്കുന്നത്. രാവിലെ 8 മണി മുതൽ മത്സരങ്ങൾ ആരംഭിക്കും.

മാർത്തോമ്മാ സിറിയൻ ചർച്ച്, ചർച്ച് ഓഫ് സൗത്ത് ഇന്ത്യ (CSI), സെന്റ് തോമസ് ഇവാഞ്ചലിക്കൽ ചർച്ച് ഓഫ് ഇന്ത്യ, പെന്തക്കോസ്ത് സഭകൾ, ബ്രദറൻ അസംബ്ലികൾ തുടങ്ങി അഞ്ച് പ്രധാന സഭാ വിഭാഗങ്ങളിൽ നിന്നായി 500-ലധികം മത്സരാർത്ഥികൾ ടാലന്റ് ടെസ്റ്റിൽ പങ്കെടുക്കും.