ഐ.പി.സി ആറ്റിങ്ങൽ സെന്ററിന്റെ മുൻ ശുശ്രൂഷകൻ പരേതനായ പാസ്റ്റർ കെ. വൈ. ശാമുവേലിന്റെ സഹധർമ്മിണി കുഞ്ഞമ്മ ശാമുവേൽ (78) നിത്യതയിൽ ചേർക്കപ്പെട്ടു

Last updated Mar 15, 2026 578

കൊട്ടാരക്കര: ഇന്ത്യ പെന്തക്കോസ്ത് ദൈവസഭ ആറ്റിങ്ങൽ സെന്ററിന്റെ മുൻ ശുശ്രൂഷകൻ കലയപുരം ബ്ലെസ് വില്ലയിൽ പരേതനായ പാസ്റ്റർ കെ. വൈ. ശാമുവേലിന്റെ സഹധർമ്മിണിയും, കൊട്ടാരക്കര സെന്ററിലെ ഇഞ്ചക്കാട് സഭയുടെ ശുശ്രൂഷകൻ പാസ്റ്റർ കെ. എസ്. ജോണിന്റെ മാതാവുമായ സിസ്റ്റർ കുഞ്ഞമ്മ ശാമുവേൽ (78) നിത്യതയിൽ ചേർക്കപ്പെട്ടു. കടമ്പനാട് നാലുതുണ്ടിൽ കിഴക്കേതിൽ കുടുംബാംഗമാണ് പരേത.

ഭൗതികശരീരം മാർച്ച് 17 ചൊവ്വാഴ്ച രാവിലെ 9 മണിക്ക് കൊട്ടാരക്കര, പുലമൺ ഐ.പി.സി ബേർശേബാ സഭയുടെ അങ്കണത്തിൽ പൊതുദർശനം നടക്കുകയും തുടർന്ന് 1 മണിയോടെ ഇഞ്ചക്കാട് ഐ.പി.സി ശാലേം സഭയുടെ ആഭിമുഖ്യത്തിൽ ശുശ്രൂഷകൾ നടത്തുകയും കലയപുരത്തുള്ള സഭാ സെമിത്തേരിയിൽ സംസ്കരിക്കുകയും ചെയ്യും.