യൂത്ത് ഫെസ്റ്റ് : ഏകദിന സെമിനാർ ഒക്ടോബർ 12ന്

മസ്കറ്റ് :യുവപ്രഭാഷകനായ പാസ്റ്റർ ജോ തോമസ്, ഗായകനും പ്രഭാഷകനുമായ പാസ്റ്റർ ജെമി ജേക്കബ് എന്നിവർ അതിഥികളായി പങ്കെടുക്കുന്ന യൂത്ത് ഫെസ്റ്റ് – 2024 മസ്കറ്റിൽ നടക്കും. ഒമാൻ പെന്തക്കോസ്തൽ അസംബ്ലിയുടെ യുവജന വിഭാഗമായ യൂത്ത് ഫെലോഷിപ്പാണ് സെമിനാർ സംഘാടകർ. ഒക്ടോബർ 12 ശനിയാഴ്ച മസ്കറ്റ് റൂവിയിലുള്ള അൽ നൂർ ഹാളാണ് സമ്മേളനവേദി. രാവിലെ 9 മണി മുതൽ വൈകിട്ട് 5. 30 വരെയാണ് മീറ്റിംഗ്.

ഗാന പരിശീലനം, വേദപഠനം, കുട്ടികൾക്കായുള്ള പ്രത്യേക കിഡ്സ് സെഷൻ എന്നിവ മീറ്റിങ്ങിന്റെ ഭാഗമായി സംഘടിപ്പിക്കുന്നുണ്ട്.

“തികഞ്ഞ ആത്മീകത” (Perfect Spirituality) എന്ന ചിന്താവിഷയം സെമിനാറിൽ ചർച്ച ചെയ്യപ്പെടും. സഭാ പ്രസിഡന്റ് പാസ്റ്റർ എ വൈ തോമസ് യൂത്ത് ഫെസ്റ്റ് പ്രാർത്ഥിച്ച് സമർപ്പിക്കും.

യൂത്ത് ഫെലോഷിപ് സെക്രട്ടറി റോബിൻ മാത്യു, ട്രഷറർ ജോമോൻ പി ജേക്കബ്, കമ്മിറ്റി അംഗങ്ങളായ സാംസൺ ജോർജ്, ബിനു ജോർജ് എന്നിവർ നേതൃത്വം നൽകും.

- Advertisement -