ഡോ. അലക്സാണ്ടർ മാർത്തോമ്മാ അവാർഡ് മാത്യു നൈനാൻ പുന്നവേലിക്കും ബാബു കോടംവേലിക്കും
റോജി ഇലന്തൂർ
തിരുവല്ല: ഈ വർഷത്തെ ഡി എസ് എം സി അവാർഡുകൾ പ്രഖ്യാപിച്ചു. മാർത്തോമ്മാ സഭയുടെ സംഗീതവിഭാഗമായ DSMC ഏർപ്പെടുത്തിയ ഡോ. അലക്സാണ്ടർ മാർത്തോമ്മാ അവാർഡിനാണ് മാത്യു നൈനാൻ പുന്നവേലിയും ബാബു കോടംവേലിയും അർഹരായത്.
![](https://kraisthavaezhuthupura.com/wp-content/uploads/2017/12/WhatsApp-Image-2017-12-10-at-12.45.29-PM-214x300.jpeg)
ക്രൈസ്തവ സംഗീതത്തിന് മാത്യു നൈനാൻ പുന്നവേലിയെ ‘എനിക്കായ് മരക്കുരിശിൽ’ എന്ന ഈ വർഷത്തെ മാരാമൺ കൺവൻഷൻ ഗാനം അവാർഡിന് അർഹനാക്കിയപ്പോൾ, ബാബു കോടംവേലിയെ ഈ വർഷത്തെ മാരാമൺ കൺവൻഷൻ ഗാനമായ ‘നാഥാ നിൻ വഴികൾ’ എന്ന ഗാനത്തിന് മികച്ച ക്രൈസ്തവ ഗാനരചനക്കുള്ള അവാർഡിന് അർഹനാക്കി. ഡോ. ജോസഫ് മാർത്തോമ്മാ മെത്രാപ്പൊലീത്ത ഇരുവർക്കും പുരസ്കങ്ങൾ സമ്മാനിച്ചു.
![](https://kraisthavaezhuthupura.com/wp-content/uploads/2017/12/WhatsApp-Image-2017-12-10-at-12.45.28-PM-201x300.jpeg)
ഏഷ്യയിലെ ഏറ്റവും വലിയ ക്രൈസ്തവ മഹാസംഗമമായ മാരാമൺ കൺവൻഷന്റെ ഗാനരംഗത്ത് ഇരുവരും അനേക വർഷങ്ങളായി സംഗീതം കൊണ്ടും രചന കൊണ്ടും ശ്രദ്ധേയരാണ്.