കവിത: നശ്വരമീ ജീവിതപ്രയാണം | ജിസ്ന സിബി, കുവൈറ്റ്
തുമ്പങ്ങളാലേ ചിതറിയോ നിൻ മനം,
ഇമ്പമായിടുമെല്ലാ നൊമ്പരങ്ങളും..
നടനങ്ങളില്ലാ ;ചമയങ്ങളില്ലാ ;
ജീവിതമാം വേഷപ്രച്ഛന്നതാഭാവം..
നിനച്ചുവോ നിൻ ആയങ്ങളേതുമേ
ശാശ്വതമായീടുമീയുലകിലെന്നു ….
അ-ശ്രാന്തമായ് ഊറ്റമേറ്റുകൊണ്ടൊരു..
വിഹാര -സത്രം പടുത്തതോ നിൻ വിജയം..?
നിൻ തിടമ്പിനൂക്കിനാൽ ചമെച്ചതോ നിൻ നേട്ടവും..!
തീർന്നിടും പെരുമയും പ്രതാപമേതുമൊരുദിനം;
ആധിവേണ്ട, അധിപനുണ്ട് തോഴനായുമരികിലായ്..
നിൻ അകതാരിൻ ഫലകത്തിൽ വിഷണ്ണനായ്,
നിറച്ചുവെച്ച രോദനാകണങ്ങളും,
നിഷ്‌കന്മഷമായ് കഥിക്കുമാത്രയിൽ,
വിസ്മയമായ്‌ നടത്തീടുമേതു കൃത്യവും ഭവാൻ..
തുണച്ചീടുമെയേതു ക്ലേശത്തിലും,
വിട്ടുപോകയില്ലായേതോരല്ലലിലും..
ശ്രീയേശുനാഥനിലുണ്ട് പരിഹാരധ്വനി..!
വിഭ്രമം നടത്തിടും ഭീതി വേണ്ട തെല്ലുമേ
ആശ്രയിപ്പൂ,അഖണ്ഡമായ് ഉത്തരം നിശ്ചയം.
ജിസ്ന സിബി, കുവൈറ്റ്
-ADVERTISEMENT-