ഷോളയാര്‍ അണക്കെട്ടിന്‍റെ ഷട്ടറുകള്‍ തുറന്നു
പാലക്കാട്: കനത്ത മഴയെ തുടര്‍ന്നു ഷോളയാര്‍ അണക്കെട്ടിന്‍റെ നാലു ഷട്ടറുകള്‍ തുറന്നു. ഞായറാഴ്ച ഉച്ചയോടെയാണ് ഷട്ടറുകള്‍ തുറന്നത്. ഷോളയാറില്‍നിന്നും പെരിങ്ങല്‍ക്കുത്ത് അണക്കെട്ടിലേക്കാണ് വെള്ളമെത്തുന്നത്. അതിനാല്‍ ചാലക്കുടി പുഴയുടെ തീരത്തുള്ളവര്‍ ജാഗ്രത പാലിക്കണമെന്ന് ജില്ലാ ഭരണകൂടം നിര്‍ദേശം നല്‍കി.
ചാലക്കുടിപ്പുഴയിലെ ജലനിരപ്പ് ഒരടിയോളം ഉയരാന്‍ സാധ്യതയുണ്ടെന്നാണ് മുന്നറിയിപ്പ്. എന്നാല്‍ ആശങ്കയ്ക്ക് വകയില്ലെന്നും ഭരണകൂടം അറിയിച്ചു. മഴ കനത്തതോടെ മുന്നോരുക്കം എന്ന നിലയിലാണ് ഷട്ടറുകള്‍ തുറന്നതെന്നും അധികൃതര്‍ കൂട്ടിച്ചേര്‍ത്തു.
-ADVERTISEMENT-