സോഷ്യൽ നെറ്റുവർക്കുകളിലെ ചതിക്കുഴി

ഉദ്യോഗസ്ഥരായ മാതാപിതാക്കൾക്ക് മക്കളുമായി സംസാരിക്കുവാൻ നേരമില്ല. പ്രാരാബ്ധങ്ങൾ ഒഴിഞ്ഞിട്ടുവേണ്ടേ സംസാരിക്കുവാൻ? തലമുറകൾക്ക് അർഹിക്കുന്ന സ്നേഹം ലഭിക്കാതെവരുംബോഴാണ് സോഷ്യൽ നെറ്റുവർക്കുകളെ ആശ്രയിക്കുന്നത്. കേൾക്കുമ്പോൾ അതിശയം തോനുന്നുണ്ടാകാം എഗ്ഗിലും ഓരോ സെക്കന്ടിലും ലക്ഷക്കണക്കിന്‌ ആളുകൾ സംസാരിക്കുവാനായി അവിടെ ക്യു നില്ക്കുകയാണ്. നമ്മുടെ തലമുറകൾ അഭിമുഖീകരിക്കുന്ന അതെ പ്രശ്നമാണ് ക്യുവിൽ നില്ക്കുന്നവരുടെതും. ഇവിടെ മാതാപിതാക്കളുമായി പഗ്ഗുവെയ്ക്കേണ്ട കുടുംബകാര്യങ്ങൾ പോലും ഒരിക്കലും കണ്ടിട്ടില്ലാത്ത വ്യെക്തിയോട് പങ്കുവയ്ക്കുകയും പ്രശ്നപരിഹാരത്തിന് ശ്രമിക്കുകയും ചെയുന്നത് സാധാരണമായിക്കഴിഞ്ഞു.

അങ്ങനെ ചാറ്റിംഗ് സജീവമാകുന്നു. ഏതുനിമിഷവും സോഷ്യൽ നെറ്റുവർക്ക് സുഹൃത്തിന്റെ സാന്നിധ്യം ആഗ്രഹിക്കുന്നു. അത് പുരോഗമിച്ച്‌ പ്രണയത്തിലേക്ക് വളരെവേഗം എത്തുന്നു. നേരിൽ കാണാനുള്ള ആഗ്രഹം നിമിത്തം പറഞ്ഞുറപ്പിച്ച സമയത്തോ സ്ഥലത്തോ വച്ച് കണ്ടുമുട്ടാൻ തിടുക്കംകാണിക്കുന്നു. ഇവിടെ രണ്ട് കാര്യങ്ങൾ സംഭവിക്കാം; ഒന്നുകിൽ പ്രണയത്തിന്റെ തീവ്രതയ്ക്കനുസരിച്ചു അരുതാത്ത കാര്യങ്ങൾക്കുവേണ്ടി പ്രേരിപ്പിച്ചേക്കാം. സുഹൃത്തിനുവേണ്ടി മരിക്കാനും ഒരുങ്ങിയിരിക്കുന്നതുകൊണ്ട് ആ ചതിക്കുഴി ശ്രദ്ധിക്കാതെ കുഴപ്പത്തിൽ ചെന്നുചാടാം. അല്ലെങ്കിൽ സുഹൃത്ത് വരാതിരുന്നാൽ ഇത്രയും കാലം മനക്കോട്ട കെട്ടിയത് വെറുതെഅയിരുന്നുവെന്നും സുഹൃത്ത് തന്നെ ചതിക്കുകയായിരുന്നു എന്നും തെളിയിക്കപ്പെടും. ഏതായാലും ഒരു ചതിവു പ്രതീക്ഷിക്കാം.  സോഷ്യൽ നെറ്റുവർക്കുകൾ ഒരുക്കിക്കൊടുക്കുന്ന പ്രണയവും അതുമുഖാദിരം ഉണ്ടാകാനിടയുള്ള ലൈംഗീക ചതിക്കുഴിയും കാണാതെ പോകുന്ന ഇന്നത്തെ തലമുറകൾ ഒരിക്കലും തിരിച്ചുകയറാൻ കഴിയാത്ത ആഴങ്ങളിലേക്ക് വീണ്പോകുന്നുവോ? (തിരിച്ചറിവിന് സാധ്യതയില്ല എന്നല്ല പറഞ്ഞുവരുന്നത്).  സോഷ്യൽ നെറ്റുവർക്കുകളെ ശരിയായ രീതിൽ ഉപയോഗിക്കുന്നതിനു പകരം വേണ്ടാത്ത തോന്നലുകൾ സാധിചെടുക്കുന്നതിനുള്ള മാർഗമായി തിരഞ്ഞെടുക്കുന്നതാണ് തെറ്റ്. ഇവിടെ ചാറ്റിങ്ങുകൽ പലതും ‘ചീറ്റിഗ്’ ആയിരുന്നല്ലോ എന്നറിയുന്നത് ചതിക്കുഴിയിൽ വീണു കഴിയുമ്പോഴാണ്.

ഒരു മൊബൈൽഫോണ്‍ വാങ്ങുവാൻ പ്രയാസപ്പെട്ടിരുന്ന ഒരു കാലം ഉണ്ടായിരുന്നു. എന്നാൽ പ്രായപൂർത്തി ആകാത്ത കൗമാരക്കാരന്റെ പോക്കറ്റിൽ പോലും ഇന്ന് ഒന്നിലധികം മൊബൈലുകൾ ഉണ്ട്. ഒരു നേരം ആഹാരത്തിനു പണം കണ്ടെത്താൻ ബുദ്ധിമുട്ടുന്ന മാതാപിതാക്കളെ വജ്ജിച്ചിട്ടായാലും അത് സാധിപ്പിചെടുക്കുന്ന തലമുറകൾ. റീചാർജ് ചെയ്യാൻ പണമില്ലാതെ വരുമ്പോൾ സുഹൃത്തുക്കളെ ചതിച്ചായാലും അത് സാധിപ്പിച്ചെടുക്കുന്നു. അതുകൊണ്ട് മൊബൈൽഫോണിനു ഒരു വില്ലൻറോളാണ് ഉള്ളത്. പരിധിയില്ലാതെ ഓഫറുകൾ വാഗ്ദാനം ചെയ്യുന്ന മൊബൈൽ കബനികൾ യുവജനങ്ങളെ ലക്ഷ്യംവച്ച് മാത്രം രാത്രികാലങ്ങളിൽ സൗജന്യ കോളുകൾ ഏർപ്പെടുത്തുന്നുണ്ട്. മാതാപിതാക്കൾ ഉറങ്ങുമ്പോൾ ഉറങ്ങാതെ സല്ലപിക്കുന്നവരും, മെസേജുകൾ അയയ്ക്കുന്നവരുമായി രാത്രിയെ പകലാക്കി യുവതലമുറ മുന്നേറുകയാണ്.