സാജു അലക്സ്‌ അക്കരെ നാട്ടിൽ

ദുബായ് : അടൂർ മംഗലശ്ശേരിൽ പരേതരായ ശ്രീ അലക്സിന്റെയും കൈപ്പട്ടൂർ ആക്കാകുഴിയിൽ ശ്രീമതി ലീലാമ്മ അലക്സിന്റെയും ഇളയ മകനും, ദുബായ് മാറാനാഥാ ഫുൾ ഗോസ്‌പെൽ ചർച്ച് സഭയിലെ അംഗവും, ദുബായ് IKEA യിലെ സീനിയർ ജീവനക്കാരനായ ബ്രദർ സാജു അലക്സ്‌ നവംബർ 9 ഞാറാഴ്ച്ച അതിരാവിലെ ഹൃദയാഘതത്തെ തുടർന്ന് ദുബൈയിൽ വച്ച് കർത്തൃസന്നിധിയിൽ ചേർക്കപ്പെട്ടു.

നവംബർ 8 ശനിയാഴ്ച്ച രാത്രി ജോലി കഴിഞ്ഞ് വീട്ടിൽ വന്ന ശേഷം നെഞ്ച് വേദനയും ശാരീരിക അസ്വസ്ഥയും അനുഭവപ്പെടുകയും ഛർദിച്ചതിനെയും തുടർന്ന് ഭാര്യ ഉടനെ തന്നെ അടുത്തുള്ള ഹോസ്പിറ്റിലേക്ക് കാറിൽ കൊണ്ട് പോകുന്ന വഴിയിൽ വച്ച് വീണ്ടും ഛർദികുകയും ചെയ്തു. ഉടൻ തന്നെ ഭാര്യ കാർ നിർത്തി സി പി ആർ നൽകിയെങ്കിലും ജീവൻ രക്ഷിക്കാനായില്ല. കമ്പനി ആവശ്യത്തിനായി നവംബർ 9 ഞാറാഴ്ച്ച രാവിലെ ദുബൈയിൽ നിന്നും സ്വിറ്റ്സർലൻഡിലേക്ക് പോകാനിരിക്കെയാണ് പെട്ടന്ന് മരണം സംഭവിച്ചത്.

ഭാര്യ : സിസ്റ്റർ സ്വപ്ന സാജു. മക്കൾ : രണ്ട് പെണ്മക്കളും ഇളയ ഒരു മകനും (എല്ലാവരും ദുബായ്). സഹോദരങ്ങൾ : പരേതരായ സാജൻ, സജി. സംസ്കാരം പിന്നീട്.

- Advertisement -