ഗായകൻ അലക്സ്‌ ചാക്കോയുടെ സംസ്കാരം നാളെ (വെള്ളിയാഴ്ച)

പുനലൂർ: കർത്തൃസന്നിധിയിൽ ചേർക്കപ്പെട്ട പ്രശസ്ത ക്രൈസ്തവ ഗായകൻ ഇവാ. അലക്സ്‌ ചാക്കോ (62) യുടെ ശവസംസ്കാര ശുശ്രൂഷകൾ 27-12-2024 വെള്ളിയാഴ്ച രാവിലെ 8 മണിക്ക് പുനലൂർ, ഇളമ്പൽ ടൗൺ സയോൺ എ. ജി. ചർച്ചിന്റെ നേതൃത്വത്തിൽ സഭാ ഹാളിൽ ആരംഭിക്കും. ശേഷം 11:30ന് ജന്മനാടായ ഇടമൺ വെള്ളിമലയിൽ മകളുടെ വസതിയിലേക്ക് കൊണ്ടുപോകും. ഉച്ചയ്ക്ക് 1 മണി മുതൽ 1:20 വരെ അവിടെ പൊതുദർശനം ഉണ്ടായിരിക്കും. ശവസംസ്കാരം 1:30ന് അഞ്ചേക്കർ പുതുക്കാട് സെമിത്തേരിയിൽ നടക്കും.

മലയാള ക്രൈസ്തവ സംഗീതമേഖലയിൽ അതുല്യപ്രതിഭയായി അറിയപ്പെട്ടിരുന്ന അദ്ദേഹം, 1985 മുതൽ ഈ വർഷം വരെയും അനേകം പ്രശസ്ത ക്രൈസ്തവ സംഗീതടീമുകളോടും സംഗീതജ്ഞരോടും ചേർന്ന് കർത്താവിനുവേണ്ടി പാടി.
ഭാര്യ: മേഴ്‌സി.
മക്കൾ: ആൻസി, നാൻസി
മരുമക്കൾ: തമ്പി, നഹാസ്.

-ADVERTISEMENT-