എഫ് പി സി സി കൺവെൻഷനും സംയുക്ത ആരാധനയും സെപ്റ്റംബർ 15 മുതൽ
ചിക്കാഗോ: ചിക്കാഗോയിലുള്ള എല്ലാ പെന്തക്കോസ്റ്റൽ സഭകളുടെയും സംയുക്ത വേദിയായ ഫെല്ലോഷിപ് ഓഫ് പെന്തക്കോസ്റ്റൽ ചർച്ചസ് ഇൻ ചിക്കാഗോയുടെ ആഭിമുഖ്യത്തിൽ സെപ്റ്റംബർ 15 വെള്ളി, 16 ശനി ദിവസങ്ങളിൽ വൈകിട്ടു 6.30 മുതൽ 9 വരെ ഗിൽഗാൽ പെന്തക്കോസ്റ്റൽ അസംബ്ലിയിൽ വെച്ച് രാത്രി യോഗങ്ങളും സെപ്റ്റംബർ 17 ഞായറാഴ്ച രാവിലെ 8.30 മുതൽ 1 മണി വരെ ട്രിനിറ്റി ബൈബിൾ സെമിനാരിയിൽ വെച്ച് സംയുക്ത ആരാധനയും നടക്കുമെന്ന് കൺവീനർമാരായ പാസ്റ്റർ എം ജി ജോൺസനും പാസ്റ്റർ ചാക്കോ ജോർജും അറിയിച്ചു.
പ്രസിദ്ധ സുവിശേഷ പ്രസംഗികനായ പാസ്റ്റർ നോബിൾ പി തോമസ് (കോഴിക്കോട് ) ഈ മീറ്റിംഗുകളിൽ വചന ശ്രുശുഷ നടത്തും.
കോവിഡ് കാലഘട്ടത്തെ 3 വർഷത്തെ ഇടവേളയ്ക്കു ശേഷം നടത്തുന്ന ഈ സംയുക്ത യോഗങ്ങളിൽ നമ്മുടെ എല്ലാ സഭകളിലെ പാസ്റ്റർമാരും വിശ്വാസികളും പങ്കെടുത്തു അനുഗ്രഹ പൂർണ്ണമാക്കണമെന്നു ഭാരവാഹികൾ അറിയിച്ചു. | വാർത്ത: കുര്യൻ ഫിലിപ്പ്
- Advertisement -