ആരോഗ്യ സേതു ആപ്പിന്റെ എല്ലാ ഉപയോക്താക്കള്‍ക്കുംആയുഷ്മാന്‍ ഭാരത് ഹെല്‍ത്ത് അക്കൗണ്ട് (ABHA) നമ്പർ സൃഷ്ടിക്കാന്‍ കഴിയുമെന്ന് കേന്ദ്ര സര്‍ക്കാര്‍
KE News Desk | New Delhi, India
ആരോഗ്യ സേതു ആപ്പിന്റെ എല്ലാ ഉപയോക്താക്കള്‍ക്കും ഇപ്പോള്‍ ഒരു അദ്വിതീയ (unique) ആയുഷ്മാന്‍ ഭാരത് ഹെല്‍ത്ത് അക്കൗണ്ട് (ABHA) നമ്പർ സൃഷ്ടിക്കാന്‍ കഴിയുമെന്ന് കേന്ദ്ര സര്‍ക്കാര്‍.
ആയുഷ്മാന്‍ ഭാരത് ഡിജിറ്റല്‍ മിഷന്‍ (എബിഡിഎം) നിലവില്‍ 16.4 കോടി എബിഎച്ച്‌എ നമ്ബറുകള്‍ സൃഷ്ടിച്ചിട്ടുണ്ടെന്നും ആരോഗ്യ സേതു ആപ്പ് ഇത് കൂടുതല്‍ വര്‍ധിപ്പിക്കാന്‍ സഹായിക്കുമെന്നും ദേശീയ ആരോഗ്യ അതോറിറ്റി (എന്‍എച്ച്‌എ) പ്രസ്താവനയില്‍ പറഞ്ഞു.
ഇതിന്റെ ഭാഗമായി, 21.4 കോടിയിലധികം ഉപയോക്താക്കള്‍ക്ക് അവരുടെ 14 അക്ക എബിഎച്ച്‌എ നമ്ബറുകള്‍ സൃഷ്ടിക്കാനും ഡോക്ടര്‍മാരുടെ കുറിപ്പടികള്‍, ലാബ് റിപ്പോര്‍ട്ടുകള്‍, ആശുപത്രി രേഖകള്‍ മുതലായവ ഉള്‍പ്പെടെ നിലവിലുള്ളതും പുതിയതുമായ മെഡിക്കല്‍ റെക്കോര്‍ഡുകള്‍ ബന്ധിപ്പിക്കുന്നതിന് എബിഎച്ച്‌എ നമ്ബര്‍ ഉപയോഗിക്കാനും കഴിയും.
കൂടാതെ രജിസ്റ്റര്‍ ചെയ്ത ആരോഗ്യ പ്രൊഫഷണലുകളുമായും ആരോഗ്യ സേവന ദാതാക്കളുമായും ഈ രേഖകള്‍ പങ്കിടാനും മറ്റ് ഡിജിറ്റല്‍ ആരോഗ്യ സേവനങ്ങള്‍ പ്രയോജനപ്പെടുത്താനും സാധിക്കും.
“കോവിഡ്-19 പകര്‍ച്ചവ്യാധികള്‍ക്കിടയില്‍ ആരോഗ്യ സേതു നിര്‍ണായക പങ്ക് വഹിച്ചു. ഇത് മൊബൈല്‍ ആപ്ലിക്കേഷന്റെ വ്യാപകമായ ഉപയോഗത്തിന് കാരണമായി. വാക്സിനേഷന്‍ ഈ മഹാമാരിക്കെതിരെ പോരാടാന്‍ നമ്മെ സഹായിക്കുന്നതിനാല്‍, വ്യാപകമായി ഉപയോഗിക്കുന്ന ഈ ഡിജിറ്റല്‍ പൊതുസേവനം പുനര്‍നിര്‍മ്മിക്കേണ്ടത് അത്യന്താപേക്ഷിതമാണ്,” നാഷണല്‍ ഹെല്‍ത്ത് അതോറിറ്റി (എന്‍എച്ച്‌എ) സിഇഒ ഡോ ആര്‍ എസ് ശര്‍മ്മ പറഞ്ഞു.
“എബിഡിഎമ്മുമായി ആരോഗ്യ സേതുവിനെ സംയോജിപ്പിക്കുന്നതോടെ, ആരോഗ്യ സേതുവിന്റെ ഉപയോക്താക്കള്‍ക്ക് എബിഡിഎമ്മിന്റെ പ്രയോജനങ്ങള്‍ ലഭ്യമാക്കാനും അവരുടെ സമ്മതത്തോടെ ഡിജിറ്റല്‍ ഹെല്‍ത്ത് ഇക്കോസിസ്റ്റത്തില്‍ ചേരാന്‍ അവരെ പ്രാപ്തരാക്കാനും ഞങ്ങള്‍ക്ക് കഴിയും. എബിഎച്ച്‌എ സൃഷ്ടിക്കുന്നത് തുടക്കമാണ്. ഡിജിറ്റല്‍ ഹെല്‍ത്ത് റെക്കോര്‍ഡുകളും കാണുന്നതിനുള്ള പ്രവര്‍ത്തനം ഉടന്‍ പുറത്തിറക്കും, “അദ്ദേഹം കൂട്ടിച്ചേര്‍ത്തു.
എബിഎച്ച്‌എ നമ്ബര്‍ എങ്ങനെ ജനറേറ്റ് ചെയ്യാം?
• ഉപയോക്താവിന് അവരുടെ ആധാര്‍ നമ്ബറും പേര്, ജനന വര്‍ഷം (അല്ലെങ്കില്‍ ജനനത്തീയതി), വിലാസം എന്നിവ പോലുള്ള ചില അടിസ്ഥാന വിവരങ്ങളും ഉപയോഗിച്ച്‌ അവരുടെ എബിഎച്ച്‌എ നമ്ബര്‍ ജനറേറ്റ് ചെയ്യാന്‍ കഴിയും.
• ഉപയോക്താവിന് അവരുടെ ആധാര്‍ ഉപയോഗിക്കാന്‍ താല്‍പ്പര്യമില്ലെങ്കില്‍, എബിഎച്ച്‌എ നമ്ബര്‍ ജനറേറ്റ് ചെയ്യാന്‍ അവര്‍ക്ക് അവരുടെ ഡ്രൈവിംഗ് ലൈസന്‍സോ മൊബൈല്‍ നമ്ബറോ ഉപയോഗിക്കാം.
• https://abdm.gov.in/ അല്ലെങ്കില്‍ ABHA ആപ്പ് വഴി ഈ നമ്ബര്‍ സൃഷ്ടിക്കാന്‍ സാധിക്കും.
-ADVERTISEMENT-