ലോകപ്രശസ്ത ക്രൈസ്തവ ആരാധനാ ഗായകൻ റോൺ കെനോലി (81) നിത്യതയിൽ ചേർക്കപ്പെട്ടു

ലോകമെമ്പാടുമുള്ള ക്രൈസ്തവ വിശ്വാസികൾക്ക് സുപരിചിതനായ അമേരിക്കൻ ക്രൈസ്തവ ആരാധനാ ഗായകനും ഗാനരചയിതാവും വർഷിപ്പ് ലീഡറുമായ റോൺ കെനോലി അന്തരിച്ചു. 81 വയസ്സായിരുന്നു. ഫെബ്രുവരി 3-നാണ് അദ്ദേഹത്തിന്റെ അന്ത്യം സംഭവിച്ചതെന്ന് അടുത്ത വൃത്തങ്ങൾ അറിയിച്ചു..

1990-കളിൽ ആഗോള ക്രൈസ്തവ ആരാധനാ സംഗീത രംഗത്ത് വലിയ മാറ്റങ്ങൾക്ക് വഴിയൊരുക്കിയ വ്യക്തിത്വമായിരുന്നു റോൺ കെനോലി. Ancient of Days, Lift Him Up, Let the Praise Begin, Jesus Is Alive തുടങ്ങിയ അദ്ദേഹത്തിന്റെ ഗാനങ്ങൾ ലോകമെമ്പാടുമുള്ള സഭകളിൽ ആരാധനയുടെ സ്ഥിരം ഭാഗമായി മാറി.

ലൈവ് വർഷിപ്പിന് പ്രത്യേക ഊന്നൽ നൽകിയ അദ്ദേഹത്തിന്റെ സംഗീത ശുശ്രൂഷ, ആയിരക്കണക്കിന് വിശ്വാസികളെ ഒരുമിച്ച് ദൈവാരാധനയിലേക്ക് നയിക്കാൻ സഹായിച്ചു. Integrity Music എന്ന പ്രസിദ്ധ സംഗീത ശുശ്രൂഷയുമായി ദീർഘകാലം സഹകരിച്ചാണ് അദ്ദേഹം തന്റെ മിക്ക ആൽബങ്ങളും പുറത്തിറക്കിയത്.

- Advertisement -