മുൻ മുഖ്യമന്ത്രി വി.എസ്. അച്യുതാനന്ദന് അന്തരിച്ചു
തിരുവനന്തപുരം: വി.എസ്. അച്യുതാനന്ദന് (101) വിടവാങ്ങി. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. ഹൃദയാഘാതത്തെ തുടര്ന്ന് ജൂണ് 23 മുതല് ചികില്സയിലായിരുന്നു. ആലപ്പുഴയില് വലിയചുടുകാട്ടില് മറ്റനാളാണ് വി.എസിന്റെ സംസ്കാരം. ദീര്ഘകാലമായി വിശ്രമജീവിതത്തിലായിരുന്നു. മുന് മുഖ്യമന്ത്രിയും സിപിഎമ്മിന്റെ സ്ഥാപകനേതാവുമാണ് . മൂന്നുതവണ പ്രതിപക്ഷനേതാവായും സിപിഎം സംസ്ഥാന സെക്രട്ടറിയായും പ്രവര്ത്തിച്ചു. ഭരണപരിഷ്കാര കമ്മിഷന്റെ ആദ്യ അധ്യക്ഷനാണ്. അമ്പലപ്പുഴ, മാരാരിക്കുളം, മലമ്പുഴ എന്നിവിടങ്ങളില് നിന്നായി ഏഴുതവണ എംഎല്എയായി. കേരളത്തെ ഇത്രനാള് കണ്ണും കാതും നല്കി കാത്തുസൂക്ഷിച്ച ജനനേതാവാണ് വി.എസ്. അച്യുതാനന്ദന്. മലയാളിയുടെ ജീവിതത്തിലും സാമൂഹിക ചുറ്റുപാടുകളിലും ഇതുപോലെ ഇടപെട്ട മറ്റൊരു നേതാവില്ല. രാഷ്ട്രീയപ്രവര്ത്തനം ശരികള്ക്കുവേണ്ടിയുള്ള പോരാട്ടമാക്കിയവരിലെ അവസാനകണ്ണികളിലൊരാള്. നികത്താനാവാത്ത വലിയ ശൂന്യത അവശേഷിപ്പിച്ചാണ് വി.എസ് യാത്രയാകുന്നത്
- Advertisement -
Comments are closed, but trackbacks and pingbacks are open.