യു.എ. ഇ. ശാരോൺ ഫെലോഷിപ്പ് സഭ, സിൽവർ ജൂബിലി- സംയുക്ത ആരാധന ഡിസംബർ 15 ന്

ഷാർജ: യു എ. ഇ. ശാരോൺ ഫെലോഷിപ്പ് സഭ, സിൽവർ ജൂബിലി നിറവിൽ. പിന്നിട്ട 25 സംവത്സരങ്ങൾ ദൈവം നടത്തിയ വിധങ്ങളെ ഓർത്ത് ദൈവത്തിനു നന്ദി അർപ്പിക്കുവാൻ യു.എ.ഇ.യിലുള്ള ശാരോൺ ഫെലോഷിപ്പ് സഭകൾ സംയുക്ത ആരാധനയായി ഡിസംബർ 15 ന് റാസ് അൽ ഖൈമ-ഇന്ത്യൻ അസോസിയേഷൻ ഓഡിറ്റോറിയത്തിൽ ഒത്തു ചേരും . ഞായറാഴ്ച രാവിലെ 9:30 മുതൽ 2: 30 വരെ ക്രമീകരിച്ചിരിക്കുന്ന സംയുക്ത ആരാധനയിൽ റീജിയനു കീഴിലുള്ള 17 സഭകളിലെ നൂറുകണക്കിന് വിശ്വാസികളും, അനുഗ്രഹീതരായ ശുശ്രൂഷകന്മാരും പങ്കെടുക്കും. ശാരോൺ ഫെലോഷിപ് ദേശീയ പ്രസിഡന്റ് പാസ്റ്റർ: ഫിന്നി ജേക്കബ് മുഖ്യ അതിഥി ആയിരിക്കും. ഷാരോൺ ഫെലോഷിപ്. യു. എ. ഇ റീജിയൻ പ്രസിഡന്റ് പാസ്റ്റർ: ജോൺസൺ ബേബി, റീജിയൻ സെക്രട്ടറിയും,റാസ് അൽ ഖൈമ സെന്റർ മിനിസ്റ്ററും ആയ പാസ്റ്റർ :ഗില്‍ബര്‍ട്ട് ജോർജ്, അസോസിയേറ്റ് റീജിയൻ പാസ്റ്റർ സാം കോശി , സെൻറർ പാസ്റ്റർമാരായ Dr. ഷിബു വർഗീസ്, Dr. കെ. ബി. ജോർജുകുട്ടി എന്നിവർ ശുശ്രൂഷകൾക്ക് നേതൃത്വo നൽകും. ഷാരോൺ ഫെലോഷിപ് യു എ ഈ റീജിയൻ സംഗീത വിഭാഗമായ ‘ശാരോൺ വോയിസ്’ ഗാന ശുശ്രൂഷകൾക്ക് നേതൃത്വം നൽകും.

സംയുക്ത ആരാധനയോടനുബന്ധിച്ച് തിരുമേശ ശുശ്രൂഷയും ഉണ്ടിയിരിക്കും. ഈ മീറ്റിംഗിൽ വച്ചു 10-12 ക്ലാസ്സുകളിൽ മികച്ച വിജയം നേടിയ വിദ്യാർത്ഥികളെ ആദരിക്കുകയും , സാധു സംരക്ഷണത്തിന് ഉള്ള സഹായവിതണം നടത്തുകയും ചെയ്യും. ദാഹിച്ചിരിക്കുന്നിടത്ത് വെള്ളവും വരണ്ട ദേശത്ത് തോടുകളും സൃഷ്ടിക്കുന്നവനായ മഹാദൈവവും രക്ഷിതാവുമായ യേശുക്രിസ്തുവിന്റെ സാന്നിധ്യത്തിൻറെ നിറവിൽ ഈ ആത്മീയ സംഗമം ദൈവജനത്തിന്, പുത്തൻ ഉണർവും, അനുഗ്രഹമായി തീരുമെന്ന് , ഒരുക്കങ്ങൾക്ക് നേതൃത്വo നൽകികൊണ്ട് ശാരോൺ യു.എ.ഇ. റീജിയന്റെ വിവിധ നേതൃത്വങ്ങൾ പ്രത്യാശ പ്രകടിപ്പിച്ചു. യു.എ.ഇ.യിൽ ഉള്ള ശാരോൺ സഭകളുടെ പുത്രിക സംഘടനകളായ സി. ഇ.എം, സൺഡേ സ്കൂൾ നേതൃത്വങ്ങളും മറ്റു ഇതര പെന്തക്കോസ്ത് സഭകളുടെ നേതൃത്വങ്ങളും ഈ ആത്മീയ സംഗമത്തിന് ആശംസകൾ നേർന്നിട്ടുണ്ട്. യു.എ.ഇ. ശാരോൺ റീജിയന്റെ മീഡിയ ടീമിനോടൊപ്പം
‘ക്രൈസ്തവ എഴുത്തുപുര’ മീഡിയ പാർട്ണർ ആയി പ്രവർത്തിക്കുന്നു. ക്രൈസ്തവ എഴുത്തു പുര KEFA ചാനലിൽ ഈ സമ്മേളനത്തിന്റെ ലൈവ് സ്ട്രീമിങ് ദർശിക്കാവുന്നതാണ്.

-ADVERTISEMENT-