ഡാളസ് റസ്റ്റോറേഷൻ സഭയുടെ നേതൃത്വത്തിൽ കൗൺസലിംഗ് സെന്റർ ആരംഭിച്ചു
ഡാളസ് : റസ്റ്റോറേഷൻ ചർച്ച് ഡാളസിൻ്റെ നേതൃത്വത്തിൽ റസ്റ്റോറേഷൻ കൗൺസലിംഗ് മിനിസ്ട്രീസ് (RCM) പ്രവർത്തനമാരംഭിച്ചു. പ്രഭാഷകനും ഐസിഫിഎഫ് ജനറൽ പ്രസിഡൻ്റുമായ ഡോ.കെ. മുരളീധർ പ്രാർത്ഥിച്ച് കൗൺസലിംഗ് സെൻ്റർ സമർപ്പിച്ചു. ഡോ. പി.ബി തോമസ്, സന്നിഹിതനായിരുന്നു. അമേരിക്കയിലെ ഒരു ഇന്ത്യൻ സഭ ആദ്യമായാണ് തങ്ങളുടെ സഭയിൽ വിവിധ പ്രായത്തിലുള്ളവർക്ക് കൗൺസലിങ്ങിന് പ്രാധാന്യം കൊടുത്ത് ഒരു സെൻ്റർ ആരംഭിക്കുന്നത്.
30 വർഷത്തിലധികമായി ദൈവം തനിക്ക് നൽകിയ ദർശ്ശനത്തിൻ്റെ സാക്ഷാത്കാരമാണ് ഈ കൗൺസിലിംഗ് സെൻ്ററിലൂടെ യാഥാർത്ഥ്യമാകുന്നതെന്നും പ്രതിസന്ധികളും പ്രശ്നങ്ങളും നേരിടുന്നവർക്ക് കൃത്യമായ മാർഗ്ഗ നിർദ്ദേശങ്ങളും പ്രാർത്ഥനയും നൽകുവാനും കഴിഞ്ഞാൽ ഒരു പരിധിവരെ അതിൽ നിന്നും പുറത്തുവരാനും കഴിയുമെന്നും അത്തരത്തിലുള്ളവരെ സഹായിപ്പാൽ റസ്റ്റോറേഷൻ കൗൺസലിംഗ് മിനിസ്ട്രീസ് സാദാ ഒരുക്കമാണെന്നും അമേരിക്കയിൽ ലൈസൻസ്ഡ് കൗൺസലറായ ഡോ. ഡോ. ലെസ്ളി വർഗീസ് ക്രൈസ്തവ എഴുത്തുപുരയോട് പറഞ്ഞു.
പ്രീ മാരിറ്റൽ കൗൺസലിംഗ്, മാര്യേജ് കൗൺസലിംഗ്, മാതാപിതാക്കൾക്കുള്ള കൗൺസലിംഗ്, ലഹരി വിഷയങ്ങൾ, ടീനേജ് കൗൺസലിംഗ്, ആനുകാലികമായി പ്രാധാന്യമുള്ള വിഷയങ്ങളിൽ അവബോധ സെമിനാറുകളും പരിശീലനങ്ങളും തുടങ്ങിയവയാണ് പ്രധാന പ്രവർത്തനങ്ങൾ. സഭാംഗങ്ങൾക്ക് മാത്രമല്ല എല്ലാവിഭാഗം ആളുകൾക്കും ഈ സൗകര്യം പ്രയോജനപ്പെടുത്താവുന്നതാണ്. ഡോ. ലെസ്ളി വർഗീസ് ഇതിന് നേതൃത്വം വഹിക്കുന്നു.
അപ്പോയ്ന്റ്മെന്റിനും, കൂടുതൽ വിവരങ്ങൾക്കും https://restorationchurchdallas.org/counseling-center/md. നേരിട്ട് എത്തുവാൻകഴിയാത്തവർക്ക് ഓൺലൈൻ സേവനങ്ങളും ഒരുക്കിയിട്ടുണ്ട്.
-ADVERTISEMENT-