റ്റി.പി.എം കോയമ്പത്തൂർ സെന്റർ കൺവൻഷൻ ഇന്ന് മുതൽ

കോയമ്പത്തൂർ / (തമിഴ്നാട്): ദി പെന്തെക്കൊസ്ത് മിഷൻ കോയമ്പത്തൂർ സെന്റർ കൺവൻഷൻ ഇന്ന് ഫെബ്രുവരി 23 മുതൽ 26 ഞായർ വരെ കോയമ്പത്തൂർ – പൊള്ളാച്ചി റോഡിൽ കിനത്തുകടവ് റ്റി പി എം കൺവൻഷൻ ഗ്രൗണ്ടിൽ (കിഡ്സ് പാർക്ക് സ്കൂളിന് പിൻവശം) നടക്കും.
വ്യാഴം മുതൽ ഞായർ വരെ വൈകിട്ട് 6 ന് സുവിശേഷ പ്രസംഗവും വെള്ളി, ശനി  ദിവസങ്ങളിൽ രാവിലെ 7 ന് വേദപാഠം, 9.30 ന് പൊതുയോഗം, വൈകിട്ട് 3 നും രാത്രി 10 നും കാത്തിരിപ്പ് യോഗവും ശനി ദിവസങ്ങളിൽ വൈകിട്ട് 3 ന് യുവജന സമ്മേളനവും നടക്കും.
സീനിയർ ശുശ്രൂഷകർ വിവിധ യോഗങ്ങളിൽ പ്രസംഗിക്കും. സഭയുടെ സുവിശേഷ പ്രവർത്തകർ സംഗീത ശുശ്രൂഷയ്ക്ക് നേതൃത്വം നൽകും. സമാപന ദിവസമായ ഞായറാഴ്ച രാവിലെ 9 ന് കോയമ്പത്തൂർ സെന്ററിലെ 30 ഓളം പ്രാദേശിക സഭകളുടെ ശുശ്രൂഷകരും വിശ്വാസികളും പങ്കെടുക്കുന്ന സംയുക്ത വിശുദ്ധ സഭായോഗവും നടക്കും.

-ADVERTISEMENT-