കുവൈറ്റ് ഫസ്റ്റ് എ ജി സഭയുടെ ‘ക്രോസ്സ്‌റോഡ്സ് ‘ യൂത്ത് ക്യാമ്പ് ജനുവരി 3-ന്; ഫ്ലയർ പ്രകാശനം ചെയ്തു

കുവൈറ്റ്‌ ഫസ്റ്റ് അസംബ്ലി ഓഫ് ഗോഡ് സഭയുടെ യുവജന വിഭാഗമായ ക്രൈസ്റ്റ് അംബാസ്സഡർസ് (സി എ) സംഘടിപ്പിക്കുന്ന ഏകദിന യൂത്ത് ക്യാമ്പ് “ക്രോസ്‌റോഡ്‌സ്” (ക്രോസ്സ്‌റോഡ്സ് ) ന്റെ ഫ്ലയർ പ്രകാശനം ചെയ്തു. സഭാ ശുശ്രുഷകൻ പാസ്റ്റർ ഷിബു മാത്യു, ചർച്ച് സെക്രട്ടറി രാജൻ തോമസിന് നൽകികൊണ്ടാണ് പ്രകാശനം നിർവ്വഹിച്ചത്.
​2026 ജനുവരി 3 ശനിയാഴ്ച്ച രാവിലെ 8.30 മുതൽ വൈകിട്ട് 4 മണി വരെ കുവൈറ്റ്‌ സിറ്റി നാഷണൽ ഇവാൻജെലിക്കൽ ചർച്ച് (NECK) കോമ്പൗണ്ടിലെ നോർത്ത് റ്റെൻറ്റിൽ വെച്ചാണ് ക്യാമ്പ് നടക്കുന്നത്. “ടു നോ ജീസസ് ക്രൈസ്റ്റ്” (യേശു ക്രിസ്തുവിനെ അറിയുക) എന്നതാണ് ക്യാമ്പിന്റെ മുഖ്യ ചിന്താവിഷയം.
​യുവജനങ്ങളുടെ ഇടയിൽ ദൈവിക കരങ്ങളിൽ ശക്തമായി ഉപയോഗിക്കപ്പെടുന്ന സുപ്രസിദ്ധ ഗാനരചയിതാവും വർഷിപ്പ് ലീഡറുമായ പാസ്റ്റർ മാത്യു റ്റി. ജോൺ ക്യാമ്പിൽ മുഖ്യാതിഥിയായി പങ്കെടുത്ത് ക്ലാസ്സുകൾക്ക് നേതൃത്വം നൽകും. പവർവിഷൻ റ്റി വി വർഷിപ്പ് ലീഡർ ബ്രദർ റ്റിമോത്തി, ഫസ്റ്റ് എ ജി സഭ ക്വയറിനൊടൊപ്പം ഗാന ശുശ്രൂഷ നയിക്കും. പാസ്റ്റർ ഷിബു മാത്യു ഈ ക്യാമ്പിന് അധ്യക്ഷത വഹിക്കും.

​സഭാ വ്യത്യാസം കൂടാതെ കുവൈറ്റിലുള്ള എല്ലാ യുവജനങ്ങളെയും ക്യാമ്പിലേക്ക് സ്വാഗതം ചെയ്യുന്നതായി ഭാരവാഹികൾ അറിയിച്ചു. പങ്കെടുക്കുന്നവർക്കായി കുവൈറ്റിന്റെ വിവിധ ഭാഗങ്ങളിൽ നിന്നും വാഹന സൗകര്യം ക്രമീകരിച്ചിട്ടുണ്ട്.

സഭാ കമ്മറ്റിയോടൊപ്പം ​സി എ പ്രസിഡന്റ് ജോൺലി തുണ്ടിയിൽ, സെക്രട്ടറി രഞ്ജി തോമസ്, ട്രഷറർ ജോയൽ ജോൺസൺ എന്നിവരടങ്ങുന്ന 5 അംഗ സി എ കമ്മറ്റി പരിപാടികൾക്ക് നേതൃത്വം നൽകുന്നു.

- Advertisement -