ഐ.പി.സി പാമ്പാടി സെന്ററിന്റെ നേതൃത്വത്തിൽ ലഹരി വിരുദ്ധ സ്വാതന്ത്ര സന്ദേശ സുവിശേഷ റാലി

പാമ്പാടി: ഐ.പി.സി പാമ്പാടി സെന്ററിന്റെ ആഭിമുഖ്യത്തിൽ ലഹരി വിരുദ്ധ സ്വാതന്ത്ര സന്ദേശ സുവിശേഷ റാലി ആഗസ്റ്റ് 15-ന് നടക്കും. രാവിലെ 8.30 മുതൽ വൈകിട്ട് 6.00 വരെ നീളുന്ന റാലി പുളിക്കൽകാവല, പുളിക്കന്തോട്, പാമ്പാടി, കുറുപ്പട, അർപൂക്കര, ഓരവക്കൽ, തിരുവാർപ്പ്, പെരൂർ, നാലുമണിക്കാട് എന്നിവിടങ്ങളിലൂടെ സഞ്ചരിക്കും.

സീനിയർ പാസ്റ്റർ പ്ര. സാം ഡാനിയേൽ റാലിക്ക് നേതൃത്വം നൽകും. കാഞ്ഞിരപ്പള്ളി ഡിവൈഎസ്പി ശ്രീ. സഞ്ജു വർഗീസ് മുഖ്യാതിഥിയായി പങ്കെടുക്കും. ലഹരി ഉപയോഗം തടയാനും സമൂഹത്തിൽ ആത്മീയ ഉണർവുണ്ടാക്കാനും ലക്ഷ്യമിട്ടുള്ള ഈ റാലി, സ്വാതന്ത്ര്യദിനത്തിന്റെ സന്ദേശം ശക്തമായി ഉയർത്തുന്നതാണ്.

- Advertisement -