എ.ജി. റിവൈവൽ പ്രയറായ നിലയ്ക്കാത്ത പ്രാർത്ഥനയിൽ ആഗസ്റ്റ് 1 മുതൽ 3 വരെ ഗ്ലോബൽ ഫാസ്റ്റിംഗ് പ്രയർ

എ.ജി. മലയാളം ഡിസ്ട്രിക്ട് പ്രയർ ഡിപ്പാർട്ട്മെൻ്റ് നേതൃത്വം നല്കുന്ന തുടർമാന ഓൺലൈൻ പ്രാർത്ഥനയായ റിവൈവൽ പ്രയർ തുടർച്ചയായ ഇരുപത്തിരണ്ട് മാസം പിന്നിടുന്നു. നിലയ്ക്കാതെ നടക്കുന്ന ഈ ഓൺലൈൻ പ്രാർത്ഥനയിൽ മാസാദ്യ പ്രത്യേക യോഗങ്ങൾ എല്ലാ മാസവും
1, 2, 3 തീയതികളിൽ നടക്കുന്നു. ആഗസ്റ്റ് 1 മുതൽ 3 വരെ ഗ്ലോബൽ ഫാസ്റ്റിംഗ് പ്രയറായാണ് ക്രമീകരിച്ചിരിക്കുന്നത്. ദിവസവും രാവിലെ 10 മുതൽ 1 വരെയും വൈകിട്ട് 8 മുതൽ 10 വരെയും പ്രത്യേക യോഗങ്ങൾ നടക്കും. രാത്രി യോഗങ്ങളിൽ സുവിശേഷ പ്രഭാഷകരും വേദാധ്യാപകരുമായ പാസ്റ്റർ ഡി.മാത്യൂസ്
(ബഥേൽ ബൈബിൾ കോളേജ്, പുനലൂർ) ഡോ. ജോൺസൻ ജി.സാമുവേൽ
(ബഥേൽ ബൈബിൾ കോളേജ്, പുനലൂർ) പാസ്റ്റർ കെ.സി.ജോൺ (ഡയറക്ടർ, ഹൈറേഞ്ച് ട്രിനിറ്റി ബഥേൽ ബൈബിൾ കോളേജ്, അണക്കര – ഇടുക്കി) എന്നിവർ ഓരോ ദിവസങ്ങളിലും മുഖ്യ പ്രഭാഷണം നടത്തും. പാസ്റ്റർമാരായ ഡി. ജോൺലി നെയ്യാറ്റിൻകര, ബിനോയി എൻ.ചാക്കോ ഉഴവൂർ, ഷാജൻ ജോൺ ഇടയ്ക്കാട് എന്നിവർ അദ്ധ്യക്ഷത വഹിക്കും. കൊട്ടാരക്കര സെക്ഷൻ സി.എ ക്വയർ, വ്ലാത്താങ്കര എ ജി.സി.എ ക്വയർ, ആലുവ എ ജി.സി.എ ക്വയർ എന്നിവർ ഗാനശുശ്രൂഷ നയിക്കും.
അസംബ്ലീസ് ഓഫ് ഗോഡ് മലയാളം ഡിസ്ട്രിക്ട് പ്രയർ ഡിപ്പാർട്ട്മെൻ്റ് നേതൃത്വം നല്കുന്ന നിലയ്ക്കാത്ത പ്രാർത്ഥന ലോക ഉണർവിനായി സഭകളെയും വ്യക്തികളെയും ദൈവം ഉപയോഗിക്കേണ്ടതിനായി ഊന്നൽ നല്കി പ്രാർത്ഥിക്കുമ്പോൾ തന്നെ ഏതൊരു പ്രാർത്ഥനാ വിഷയങ്ങളെയും ഏറ്റെടുത്ത് മദ്ധ്യസ്ഥത വഹിച്ചു പ്രാർത്ഥിച്ചു വരുന്നു . രണ്ടായിരത്തി ഇരുപത്തിമൂന്ന് ഒക്ടോബർ ഒന്നിന് രാവിലെ ആറു മണിക്ക് ആരംഭിച്ച പ്രാർത്ഥന ഇപ്പോഴും തുടർമാനമായി Zoom പ്ലാറ്റ്ഫോമിൽ നടക്കുന്നു.
ഓരോ മണിക്കൂർ ഉള്ള സ്ലോട്ടുകളായി തിരിച്ചിരിക്കുന്ന പ്രാർത്ഥനാ ചങ്ങലയിൽ സഭാ വ്യത്യാസമെന്യേ വിവിധ രാജ്യങ്ങളിൽ നിന്നുള്ളവർ സഹകരിക്കുന്നു. നിരന്തര പ്രാർത്ഥനയോടൊപ്പം വ്യത്യസ്തങ്ങളായ ആത്മീയ പരിപാടികളും പ്രത്യേക സന്ദർഭങ്ങളിൽ നടത്തിവരുന്നു.
Zoom ID: 89270649969
പാസ്കോഡ്: 2023 എന്നീ ഐ.ഡി.യും പാസ്കോഡും ഉപയോഗിച്ചോ താഴെ കൊടുത്തിരിക്കുന്ന ലിങ്കിലൂടെയോ https://us06web.zoom.us/j/89270649969?pwd=bnJMZ3IwZTU4eCtQVHlvU2ZrM3piQT09
എല്ലായ്പ്പോഴും മീറ്റിംഗിൽ പ്രവേശിക്കാവുന്നതാണ്. പ്രാർത്ഥിക്കാനും പ്രാർത്ഥനാ വിഷയങ്ങൾ പങ്കുവയ്ക്കുവാനും ഏതു സമയത്തും മീറ്റിംഗിൽ ജോയിൻ ചെയ്യാം. കൂടുതൽ വിവരങ്ങൾക്ക്: പാസ്റ്റർ ജോമോൻ കുരുവിള 6235355453, പാസ്റ്റർ ഇസഡ്.ഏബ്രഹാം 9447223957 എന്നീ നമ്പരുകളിൽ ബന്ധപ്പെടാവുന്നതാണ്.

- Advertisement -