ലോക പ്രസിദ്ധപ്രഭാഷകൻ റവ. ജോൺ ഓസ്റ്റിന്റെ സഹധർമ്മണി ഡൊളോറസ് ഓസ്റ്റിൻ അന്തരിച്ചു

ഡാളസ്: ഹ്യൂസ്റ്റൺ ലേക്ക് വുഡ് ചർച്ച് പാസ്റ്റർ ജോയൽ ഓസ്റ്റീന്റെ മാതാവ്, ഡൊളോറസ് ഓസ്റ്റിൻ ( ഡോഡി – 91) അന്തരിച്ചു. മകൻ ജോയൽ ഓസ്റ്റിൻ ആണ് മാതാവിൻ്റെ മരണവാർത്ത ബുധനാഴ്ച സോഷ്യൽ മീഡിയയിൽ സ്ഥിരീകരിച്ചത്.
വിയോഗവാർത്ത അതീവ ദുഃഖത്തോടെയാണ് അറിയിക്കുന്നതെന്നും, ലേക് വുഡ് ചർച്ചിൻ്റെ മാതൃപദവി അലങ്കരിച്ചിരുന്ന ഇവർ ലോകമെമ്പാടുമുള്ള ദശലക്ഷക്കണക്കിന് ആളുകൾക്ക് പ്രചോദനവും, ദൈവത്തിന്റെ വിശ്വസ്ത ദാസിയും ആയിരുന്നു എന്ന് ഫേസ്ബുക്ക്, ഇൻസ്റ്റാഗ്രാം, എക്‌സ് എന്നിവയിൽ ഓസ്റ്റീൻ കുറിച്ചു.
സ്വഭവനത്തിൽ വെച്ച് സമാധാനപരമായി സ്വാഭാവിക അന്ത്യം ആയിരുന്നു എന്നും പോസ്റ്റിൽ പറയുന്നു. 1959-ലെ മാതൃദിനത്തിൽ ജോൺ ഓസ്റ്റീനും അദ്ദേഹത്തിന്റെ രണ്ടാമത്തെ ഭാര്യ ഡോളോറസും (ഡോഡി) ചേർന്ന് ഹ്യൂസ്റ്റണിന്റെ പ്രാന്തപ്രദേശത്താണ് ലേക്വുഡ് ചർച്ചിന്റെ ആദ്യ യോഗം നടന്നത്. ജോൺ ഒരു സതേൺ ബാപ്റ്റിസ്റ്റ് ശുശ്രൂഷകനായിരുന്നു. എന്നാൽ പരിശുദ്ധാത്മാവിൽ സ്നാനം അനുഭവിച്ചതിനുശേഷം, കരിസ്മാറ്റിക് ബാപ്റ്റിസ്റ്റുകൾക്കുള്ള ഒരു പള്ളിയായി അദ്ദേഹം ലേക്ക്വുഡ് സ്ഥാപിച്ചു. പള്ളി താമസിയാതെ “ബാപ്റ്റിസ്റ്റ്” എന്ന പേര് അതിന്റെ പേരിൽ നിന്ന് ഒഴിവാക്കി നോൺ-ഡിനോമിനേഷൻ ആയി മാറി. ഇന്ന്, സൗത്ത് വെസ്റ്റ് ഫ്രീവേയിലെ ഹ്യൂസ്റ്റൺ സമ്മിറ്റ് ആൻഡ് കോംപാക് സെന്ററിന്റെ മുൻ സ്ഥലത്തുള്ള പള്ളിയിലാണ് സേവനങ്ങൾ നടക്കുന്നത്. ശുശ്രൂഷകൾ ലോകമെമ്പാടും പ്രക്ഷേപണം ചെയ്യുന്നു. ഡോഡിയുടെ ഭർത്താവ് പാസ്റ്റർ ജോൺ ഓസ്റ്റീൻ 1999-ൽ തൻ്റെ 77-ാം വയസ്സിൽ അന്തരിച്ചിരുന്നു. 1999 ജനുവരി 23 ന് ജോൺ ഓസ്റ്റീന്റെ മരണശേഷം, അദ്ദേഹത്തിന്റെ ഇളയ മകൻ ജോയൽ ഓസ്റ്റീൻ ആ ഒക്ടോബറിൽ പാസ്റ്ററായി.
ഡോഡി ഓസ്റ്റീൻ നിരവധി പുസ്തകങ്ങൾ രചിച്ചിട്ടുണ്ട്. അതിൽ 1986-ൽ “ഹീൽഡ് ഓഫ് കാൻസർ” എന്ന ഗ്രന്ഥം, കരൾ അർബുദ രോഗം സംബന്ധിച്ച അവരുടെ പോരാട്ടത്തിന്റെ കഥയാണ്. ശവസംസ്കാര പദ്ധതികൾ പ്രഖ്യാപിച്ചിട്ടില്ല.

- Advertisement -