അസംബ്ലീസ് ഓഫ് ഗോഡ് മലയാളം ഡിസ്ട്രിക്ട് കൗൺസിൽ ജനറൽ കൺവൻഷൻ 2025 ന്റെ പന്തലിന്റെ പണി പ്രാർത്ഥിച്ച് ആരംഭിച്ചു

പറന്തൽ : അസംബ്ലീസ് ഓഫ് ഗോഡ് മലയാളം ഡിസ്ട്രിക്ട് കൗൺസിലിന്റെ 2025 ജനുവരി 27 തിങ്കളാഴ്ച്ച മുതൽ ഫെബ്രുവരി 2 ഞാറാഴ്ച്ച വരെ അടൂർ പറന്തലിൽ വച്ച് നടക്കുന്ന ജനറൽ കൺവൻഷൻ പന്തലിന്റെ പണി മലയാളം ഡിസ്ട്രിക്ട്‌ അസിസ്റ്റന്റ് സൂപ്രണ്ട് ബഹുമാനപ്പെട്ട പ്രിയ കർത്തൃദാസൻ പാസ്റ്റർ റവ ഡോ. ഐസക്ക് വി മാത്യു സാർ, ജനറൽ സെക്രട്ടറി ബഹുമാനപ്പെട്ട പ്രിയ കർത്തൃദാസൻ പാസ്റ്റർ റവ. തോമസ് ഫിലിപ്പ് എന്നിവരുടെ അധ്യക്ഷതയിൽ ബെഥേൽ ബൈബിൾ കോളേജ് പ്രസിഡന്റ് പ്രിയ കർത്തൃദാസൻ റവ.ഡോ. ഐസക്ക് ചെറിയാൻ പ്രാർത്ഥിച്ചു ആരംഭിച്ചു.

അടൂർ സെക്ഷൻ പ്രെസ്‌ബിറ്റർ കർത്തൃദാസൻ പാസ്റ്റർ. ജോസ് റ്റി ജോർജ്ജ് ശുശ്രൂഷകൾ പ്രാർത്ഥിച്ചു ആരംഭിച്ച ശേഷം പാസ്റ്റർ ജെ ജോൺസന്റെ നേതൃത്വത്തിൽ ഉള്ള ഇവാഞ്ചലിസം ഡിപ്പാർട്ടമെന്റ് സംഗീത ശുശ്രൂഷകൾക്ക് നേതൃത്വം നൽകി. പന്തളം സെക്ഷൻ പ്രെസ്‌ബിറ്റർ കർത്തൃദാസൻ പാസ്റ്റർ റ്റി വി തങ്കച്ചൻ എല്ലാവർക്കും സ്വാഗതം അറിയിച്ചു.

മേഖല ഡയറക്ടേഴ്സ് ബഹുമാനപ്പെട്ട കർത്തൃദാസന്മാരായ പാസ്റ്റർ റവ. ജെ സജി, പാസ്റ്റർ റവ. എം റ്റി സൈമൺ, മുൻ എക്സിക്യൂട്ടീവ് അംഗം പാസ്റ്റർ റവ. പി ബേബി, ദൂതൻ മാസികയുടെ ചീഫ് എഡിറ്റർ കർത്തൃദാസൻ പാസ്റ്റർ അനീഷ് കെ ഉമ്മൻ എന്നിവരെ കൂടാതെ അസംബ്ലിസ് ഓഫ് ഗോഡ് മലയാളം ഡിസ്ട്രിക്ടിന്റെ വിവിധ സെക്ഷനുകളിലെ പ്രെസ്സ്ബിറ്റേഴ്‌സ്, കൺവൻഷന്റെ വിവിധ കമ്മറ്റി അംഗങ്ങളും, സഭാ ശുശ്രൂഷകരും, വിശ്വാസികളും പറന്തൽ കൺവൻഷൻ ഗ്രൗണ്ടിൽ സന്നിഹിതരായിരുന്നു.

എക്സിക്യൂട്ടീവ് കമ്മറ്റിക്ക് വേണ്ടി ജനറൽ സെക്രട്ടറിയും കൺവൻഷൻ ജനറൽ കൺവീനറുമായ ബഹുമാനപ്പെട്ട പ്രിയ കർത്തൃദാസൻ പാസ്റ്റർ റവ. തോമസ് ഫിലിപ്പ് ഏവർക്കും നന്ദി അറിയിച്ചു. കർത്തൃദാസൻ പാസ്റ്റർ അലക്സാണ്ടർ പി ഉമ്മൻ പ്രാർത്ഥിച്ച് ഡോ. ഐസക്ക് വി മാത്യു ആശീർവാദത്തോടെ ശുശ്രൂഷകൾ അവസാനിപ്പിച്ചു.

-ADVERTISEMENT-