വയനാട്ടിൽ ചർച്ച് ഓഫ് ഗോഡ് കേരളാ സ്റ്റേറ്റ് വൈപിഇ ക്യാമ്പ് നാളെ മുതൽ

മുളക്കുഴ: ചർച്ച് ഓഫ് ഗോഡ് കേരള സ്റ്റേറ്റ് വൈ പി ഇ വയനാട് ക്യാമ്പ് നാളെ ആരംഭിക്കും. വിട്ടോടുക; പിന്തുടരുക എന്നതാണ് ക്യാമ്പ് തീം.

വയനാട് കൊയിലേരി താബോർ ഹിൽ ക്യാമ്പ് സെന്ററിൽ നടക്കുന്ന ക്യാമ്പിൽ സ്റ്റേറ്റ് ഓവർസിയർ പാസ്റ്റർ വൈ റെജി, അസി. ഓവർസിയർ ഷിബു കെ മാത്യു, വൈ പി ഇ പ്രസിഡണ്ട് പാസ്റ്റർ മാത്യു ബേബി, കൗൺസിൽ സെക്രട്ടറി പാസ്റ്റർ സാംകുട്ടി മാത്യു, എഡ്യുക്കേഷൻ ഡയറക്ടർ ഡോ. ജെയ്സൺ തോമസ്, പാസ്റ്റർ ഗ്ലാഡ്സൺ വർഗീസ്, നോർത്ത് മലബാർ സോണൽ ഡയറക്ടർ പാസ്റ്റർ ബിനു പി ജോർജ് ,  ജോബി കെ സി തുടങ്ങിയവർ പ്രസംഗിക്കും.ബ്രദർ ബോവസ് രാജുവിന്റെ നേതൃത്വത്തിലുളള വൈ പി ഇ ക്വയർ ഗാനശുശ്രൂഷ നയിക്കും.

വൈപിഇ സെക്രട്ടറി ബ്രദർ സജു സണ്ണി, ജോ. സെക്രട്ടറി പാസ്റ്റർ ഡെന്നിസ് വർഗീസ്, ട്രഷറാർ പാസ്റ്റർ വി എസ് വൈജുമോൻ, ക്യാമ്പ് കോർഡിനേറ്റർ ജുബിഷ് വർഗീസ് തുടങ്ങിയവർ നേതൃത്വം നൽകും. ക്യാമ്പ് ഡിസം. 26 ന് സമാപിക്കും.

-ADVERTISEMENT-