സംസ്ഥാനത്തെ മികച്ച എൻഎസ്എസ് വോളണ്ടിയർ പുരസ്കാരം എസ്.ജി കോളേജിലെ ലിയ അന്ന യോഹന്നാൻ കരസ്ഥമാക്കി

കൊട്ടാരക്കര :സംസ്ഥാനത്തെ മികച്ച നാഷണൽ സർവീസ് സ്കീം (എൻഎസ്എസ്) വോളണ്ടിയർക്കുള്ള പുരസ്കാരം സെൻ്റ് ഗ്രിഗോറിയോസ് കോളേജിലെ ലിയ അന്ന യോഹന്നാൻ കരസ്ഥമാക്കി.
കേരള സർവകലാശാലയിലെ മികച്ച എൻഎസ്എസ് യൂണിറ്റായി കൊട്ടാരക്കര കോളേജിനെ തിരഞ്ഞെടുത്തപ്പോൾ സർവകലാശാല തലത്തിലും ലിയ മികച്ച വോളണ്ടിയർക്കുള്ള അവാർഡ് നേടിയിരുന്നത് ഇരട്ടി മധുരമായി .
കർണാടകയിൽ നടന്ന നാഷണൽ യൂത്ത് ഫെസ്റ്റിവലിൽ കേരള സർവകലാശാലയെ പ്രതിനിധാനം ചെയ്തു പങ്കെടുത്തു.
രക്തദാനം,കേശദാനം തുടങ്ങിയ ജീവകാരുണ്യ പ്രവർത്തനങ്ങളിലും പാലിയേറ്റീവ് കെയർ പ്രവർത്തനങ്ങളിലും സജീവമായിരുന്നു.
വിമുക്തി, ഭരണഘടന സാക്ഷരത പ്രവർത്തനങ്ങൾ എന്നിവയ്ക്കും നേതൃത്വം നൽകി. അഖില കേരള ബാലജനസഖ്യം കൊട്ടാരക്കര യൂണിയൻ പ്രസിഡൻ്റായിരുന്നു.മലങ്കര ഓർത്തഡോക്സ് സഭ സൺഡേ സ്കൂൾ കലോത്സവ പ്രതിഭയായിരുന്നു.
കിഴക്കേത്തെരുവ് പട്ടമല സെൻറ് ജോർജ് ഓർത്തഡോക്സ് വലിയപള്ളി ഇടവകാംഗം
നടുക്കുന്ന് ലിയ ഭവനിൽ ഡി.യോഹന്നാന്റെയും ജി. ബിന്ദുവിന്റെയും മകളാണ്.സഹോദരി ലിഖിത അഖില കേരള ബാലജനസഖ്യം കൊല്ലം മേഖലാ പ്രസിഡൻ്റാണ്.

കൊട്ടാരക്കര എസ്.ജി. കോളേജ് അലുമ്നി അസോസിയേഷൻ ലിയയെ അനുമോദിച്ചു.പൂർവ്വ വിദ്യാർത്ഥിയും
മുൻസിപ്പൽ ചെയർമാനുമായ എസ്.ആർ.രമേശ് ഉപഹാരം സമ്മാനിച്ചു.പ്രിൻസിപ്പൽ ഡോ.സുമി അലക്സ്,എൻഎസ്എസ് പ്രോഗ്രാം ഓഫീസർ
ഡോ.മനു വാസുദേവൻ,
എഴുകോൺ ഗ്രാമപഞ്ചായത്ത് പ്രസിഡന്റ് അഡ്വ.ബിജു ഏബ്രഹാം,ക്രൈംബ്രാഞ്ച് എസ്പി കെ.എൽ.
ജോൺകുട്ടി,അലുമ്നി അസോസിയേഷൻ വൈസ് പ്രസിഡന്റ് കെ.ഒ.രാജുക്കുട്ടി, ട്രഷറർ മാത്യു വർഗീസ്,സെക്രട്ടറി അഡ്വ.സാജൻ കോശി,ഒ.അച്ചൻകുഞ്ഞ്,
മെനു ജോൺ തുടങ്ങിയവർ സംബന്ധിച്ചു.

-ADVERTISEMENT-