ക്രിസ്ത്യൻ മ്യൂസിഷൻസ് ഫെലോഷിപ്പിൻ്റെ (സി.എം.എഫ്) ദ്വിദിന സംഗമം അനുഗ്രഹീത സമാപനം

തിരുവല്ല : കേരള ചരിത്രത്തിലാദ്യമായി മലയാളി ക്രൈസ്തവ സംഗീത കൂട്ടായ്മയ്ക്ക് അനുഗ്രഹീത സമാപനം.
പാറശ്ശാല മുതൽ കാസർഗോഡ് വരെയുള്ള എല്ലാ റീജിയണുകളിലുമുള്ള സംഗീതപ്രവർത്തകർ പങ്കെടുക്കുന്ന ഈ സംഗമം ആഗസ്റ്റ് 6 രാവിലെ 10.00 ന്‌ സുവിശേഷ ബാലസംഘം നാഷണൽ പ്രസിഡൻ്റ് സുവി. എബ്രഹാം തോമസ് പ്രാർത്ഥിച്ച് ആരംഭിച്ചു. പ്രഥമ സെഷനിൽ സി. എം. എഫ് ജനറൽ സെക്രട്ടറി ജോസ് ജോർജ് ഹോളി ബീറ്റ്സ് അധ്യക്ഷത വഹിച്ചു.
സി. എം. എഫ് തിരുവല്ല, പത്തനംതിട്ട, ചെങ്ങന്നൂർ റീജയനുകൾ ആരാധയ്ക്ക് നേതൃത്വം നൽകി.
തുടർന്ന് ഉപദേശകസമിതി അംഗം ബിനോയി ചാക്കോയുടെ അധ്യക്ഷതയിൽ നടന്ന സെഷനിൽ സി.എം.എഫിൻ്റെ പ്രവർത്തനങ്ങളെ കുറിച്ച് അദ്ദേഹം വിശദ്ധീകരിച്ചു. അഡ്വൈസറി അംഗങ്ങളെയും കോർ ടീം അംഗങ്ങളെയും ടീം അംഗങ്ങളെയും സ്വാഗതം ചെയ്തു. ജനറൽ ട്രഷറാർ ഇമ്മാനുവെൽ ഹെൻട്രി അധ്യക്ഷത വഹിച്ച സെഷനിൽ പ്രമുഖ ഗാനരചയിതാവും പ്രഭാഷകനുമായ ഇവ. ജോയി ജോൺ (ബാംഗ്ലൂർ) ക്ലാസുകൾ നയിച്ചു. സംഗീതം ദൈവീക വരദാനമാണെന്നും ദൈവമാണ് ഓരോരുത്തരേയും ഈ ശുശ്രൂഷയ്ക്ക് വിളിച്ചതെന്നും ഏതു പ്രതിസന്ധികളുടെ നടുവിലും ഈ ശുശ്രൂഷയ്ക്ക് പ്രാധാന്യം കൊടുത്ത് മുന്നേറണമെന്നും അദ്ദേഹം പറഞ്ഞു.

ഉച്ചകഴിഞ്ഞുള്ള സെഷൻ പാസ്റ്റർ. സുനിൽ സോളമൻ്റെ നേതൃത്വത്തിൽ വോക്കൽ ട്രെയിനർ ബിനു ജോൺ ക്ലാസുകൾ നയിച്ചു. എങ്ങനെ ശബ്ദം മികച്ചതാക്കാം അതിനുവേണ്ടി ആവശ്യമായ വിവിധ ട്രെയിനിങ്ങുകൾ നൽകപ്പെട്ടു. പാലക്കാട് , കട്ടപ്പന, പാറശാല, കോഴിക്കോട് കാസർഗോഡ് എന്നി റീജിയനുകൾ ആരാധനയ്ക്ക് നേതൃത്വം നൽകി.

ആദ്യ ദിനത്തിൽ വൈകുന്നേരം 6.00 മണി മുതൽ നടന്ന ഗാന സന്ധ്യയിൽ ക്രൈസ്തവ ലോകത്തെ പ്രശസ്ത ഗായകർ പങ്കെടുത്തു. ശേഷം
ഇവ. ചെറി ജോർജ്ജ് ചെറിയാൻ (മിഷൻസ് ഇന്ത്യ) ക്ലാസുകൾ നയിച്ചു.

രണ്ടാം ദിനം രാവിലെ നടന്ന പ്രഭാത മീറ്റിങ്ങിൽ പാസ്റ്റർ. ബിനു ചാരുത പ്രഭാഷണം നടത്തി. തുടർന്ന് തിരുവനന്തപുരം, പുനലൂർ, കോട്ടയം കൊട്ടാരക്കര എറണാകുളം, പെരുമ്പാവൂർ റീജയനുകൾ സംഗീത ശുശ്രൂഷയ്ക്ക് നേതൃത്വം നൽകി. ഉപദേശസമിതി അംഗങ്ങൾ സംഗീതത്തിലെ പിന്നിട്ട ജിവിതാനുഭവങ്ങൾ പങ്കുവെച്ചു.
വി.ജെ പ്രതീഷ് അവസാന സെഷന് അധ്യക്ഷത വഹിച്ചു. ജനറൽ പ്രസിഡൻ്റ് സാംസൻ കോട്ടൂർ മിഷൻ ചലഞ്ച് നൽകി. പ്രാർത്ഥനയോടെ ദ്വിദിന സമ്മേളനം സമാപിച്ചു.

സാംസൺ കോട്ടൂർ (പ്രസിഡന്റ്), ജോസ് ഹോളീ ബീറ്റ്സ് (സെക്രട്ടറി), ഇമ്മാനുവേൽ ഹെൻട്രി (ട്രഷറർ), ബിനോയ്‌ ചാക്കോ (പി. ആർ. ഓ.), ബിനു ചാരുത (മീഡിയ), സുനിൽ സോളമൻ (പ്രോഗ്രാം കോർഡിനേറ്റർ) പ്രതീഷ് വി.ജെ (വെൽഫെയർ കോർഡിനേറ്റർ) അഡ്വസൈറി ബോർഡ് അംഗങ്ങളായ നിർമ്മലാ പീറ്റർ, കുട്ടിയച്ചൻ, വിൽസൺ ചേന്ദനാട്ടിൽ, ടോണി ചൊവ്വൂക്കാരൻ എന്നിവർ സംഗമത്തിന് നേതൃത്വം നൽകി.

-ADVERTISEMENT-