സി ഇ എം കേന്ദ്ര താലന്ത് പരിശോധന നടന്നു
തിരുവല്ല: സി ഇ എം കേന്ദ്ര താലന്ത് പരിശോധന ഒക്ടോബർ 2ന് രാവിലെ 8:30 മുതൽ തിരുവല്ല ശാരോൻ ഓഡിറ്റോറിയത്തിൽ വെച്ച് നടന്നു. 5 വേദികളിലായിട്ടാണ് മത്സരങ്ങൾ നടന്നത്. സി ഇ എം ജനറൽ പ്രസിഡന്റ് പാസ്റ്റർ ജോമോൻ ജോസഫ് ഉത്ഘാടനം ചെയ്ത പ്രോഗ്രാം ജനറൽ സെക്രട്ടറി പാസ്റ്റർ സാംസൺ പി തോമസിന്റെയും, താലന്ത് ടെസ്റ്റ് സെക്രട്ടറി പാസ്റ്റർ സിജി ജോൺസന്റെയും മറ്റ് എക്സിക്യൂട്ടീവ് & ജനറൽ കമ്മറ്റി അംഗങ്ങളുടെയും മേൽനോട്ടത്തിൽ ക്രമീകൃതമായി നടന്നു.
ശാരോൻ ഫെല്ലോഷിപ്പ് സഭകളുടെ കേരളത്തിലെ18 റീജിയനിൽ നിന്നും സി ഇ എം അംഗങ്ങൾ മത്സരത്തിൽ പങ്കെടുത്തു. സി ഇ എം ചരിത്രത്തിൽ ഇത് ആദ്യമാണ്. സി ഇ എം അംഗങ്ങളും, ദൈവദാസന്മാരും,സഭാ വിശ്വസികളുമായി 800ൽ അധികം ആളുകൾ പ്രോഗ്രാമിൽ പങ്കെടുത്തു.
-ADVERTISEMENT-