ഹ്യൂസ്റ്റൺ പെന്തെക്കോസ്റ്റൽ ഫെലോഷിപ്പിനു പുതിയ നേതൃത്വം

ഹ്യൂസ്റ്റൺ: അമേരിക്കയിലെ ഹ്യൂസ്റ്റൺ പട്ടണത്തിലുള്ള 16 പെന്തക്കോസ്തു ദൈവ സഭകളുടെ ഐക്യ കൂട്ടായ്മയായ ഹ്യൂസ്റ്റൺ പെന്തെക്കോസ്റ്റൽ ഫെലോഷിപ്പിന്റെ പുതിയ ഭാരവാഹികളെ ഏപ്രിൽ 2 നു ഇമ്മാനുവേൽ അസംബ്ലി ഓഫ് ഗോഡ് ചർച്ചിൽ കൂടിയ ജനറൽ ബോഡി തിരഞ്ഞെടുത്തു. അനുഗ്രഹീത സംഗീത ശുശ്രൂഷകനും ഷാരോൻ ഫെല്ലോഷിപ്പ് ചർച്ചിന്റെ (ഹ്യൂസ്റ്റൺ) സീനിയർ പാസ്റ്ററും ആയ പാസ്റ്റർ സിബിൻ അലക്സ് ആണ് പ്രസിഡന്റ്. ഹോസ്‌പൈസ് ചാപ്ലയിൻ ആയും താൻ സേവനം അനുഷ്ഠിക്കുന്നു.

എച്ച്.പി.എഫിന്റെ മുൻ ട്രഷറാറും മൗൺട് ഒലിവു മിനിസ്ട്രി ഇന്റർനാഷനലിന്റെ സ്ഥാപകുനുമായ പാസ്റ്റർ ജോൺ ഐസക് ആണ് വൈസ് പ്രസിഡന്റ്. സൗത്ത്‌വെസ്റ്റ് ചർച്ച ഓഫ് ഗോഡിൽ അസോസിയേറ്റ് പാസ്റ്റർ ആയി സേവനം അനുഷ്ഠിക്കുന്ന പാസ്റ്റർ മാത്യു ജോൺ പൂമൂട്ടിൽ ആണ് സെക്രട്ടറി. ഹ്യൂസ്റ്റൺ ഔട്ട്റീച്ച് മിനിസ്ട്രിയുടെ സഹകാരിയായും പ്രവർത്തിക്കുന്നു. ഐ.പി.സി. ഫാമിലി കോൺഫറൻസ് സെക്രട്ടറി, എച്ച്. പി. എഫ് ട്രഷറാർ എന്നീ നിലകളിൽ സ്തുത്യർഹമായ സേവനം അനുഷ്ഠിച്ചിട്ടുള്ള കെ. സി. ജേക്കബ് ആണ് ട്രഷറാർ. വേൾഡ് ക്രിസ്ത്യൻ പ്രയർ ലൈൻ കോർഡിനേറ്റർ ആയി പ്രവർത്തിക്കുന്ന എബ്രഹാം തോംസൺ ആണ് ചാരിറ്റി കോർഡിനേറ്റർ. എച്ച് പി. എഫിന്റെ മുൻ ട്രഷറാർ കൂടി ആണ് എബ്രഹാം.

മീഡിയ കോർഡിനേറ്റർ ആയി തിരഞ്ഞെടുക്കപ്പെട്ട സ്റ്റീഫൻ സാമുവേൽ ഐ.പി.സി. ഹെബ്രോൻ ഹ്യൂസ്റ്റൺ സഭയുടെ വിഷ്വൽ മീഡിയ അസ്സോസിയേറ്റ് ആയും ഐ.പി.സി. ഹ്യൂസ്റ്റൺ ഫെൽലോഷിപ്പിന്റെ മിഷ്യൻ കോർഡിനേറ്റർ ആയും പ്രവർത്തിക്കുന്നു. കാൽവറി ഇന്ത്യൻ ഫെലോഷിപ്പിന്റെ സീനിയർ പാസ്റ്റർ ആയി സേവനം അനുഷ്ഠിക്കുന്ന പാസ്റ്റർ ബൈജു തോമസ് ആണ് വർഷിപ്പ് കോർഡിനേറ്റർ. അനുഗ്രഹീതനായ ഒരു സംഗീത ശുശ്രുഷകൻ കൂടിയാണ് പാസ്റ്റർ ബൈജു.

-ADVERTISEMENT-