ക്രൈസ്തവ എഴുത്തുപുര ഡൽഹി ചാപ്റ്ററിന് നവനേതൃത്വം

ന്യൂഡൽഹി: രാജ്യതലസ്ഥാനനഗരിയായ ഡൽഹിയിൽ ഈ കാലഘട്ടത്തിൽ ക്രൈസ്തവ ഗോളത്തിൽ ശ്രദ്ധിക്കപ്പെട്ട കൂട്ടായ്മയും ക്രൈസ്തവ എഴുത്തു പുരയുടെ പ്രഥമ ചാപ്റ്റർ കൂടിയായ ഡൽഹി ചാപ്റ്ററിന്റെ 2023-25 കാലയളവിലേക്കുള്ള നേതൃത്വം തിരഞ്ഞെടുക്കപ്പെട്ടു.

പ്രസിഡന്റായി പാസ്റ്റർ രാജേഷ് ജോൺ, വൈസ് പ്രസിഡന്റ് അനീഷ് വലിയപറമ്പിൽ (മീഡിയ), ദീന ജെയിംസ് (പ്രൊജക്ട്) സെക്രട്ടറി അഡ്വക്കറ്റ് സുകു തോമസ്, ജോയിന്റ് സെക്രട്ടറി പാസ്റ്റർ അബീഷൻ ലിയോ എ എസ്, ട്രഷറർ അനീഷ് വർഗീസ്, ജോയിന്റ് ട്രഷറർ റിജിൻ രാജു, അപ്പർറൂം കോർഡിനേറ്റർ ജിജി പ്രമോദ്, പ്രോഗ്രാം കോർഡിനേറ്റർ ആശിഷ് ഐസക്, മിഷൻ കോർഡിനേറ്റർ ഫെബിൻ കെ പോൾ, മീഡിയ കോർഡിനേറ്റർ പാസ്റ്റർ റോബിൻ ബാബു, എക്സിക്യൂട്ടീവ് അംഗങ്ങൾ ജോയൽ ബിനോയ്, സജീവ് എസ് എം, സൈമൺ സാമുവൽ എന്നിവരാണ് പുതിയ ഭരണസാരഥികൾ, ജനറൽ കൗൺസിൽ പ്രതിനിധിയായി രഞ്ജിത്ത് ജോയി പ്രവർത്തിക്കുന്നു.

കഴിഞ്ഞദിവസം ജനറൽ കൗൺസിൽ പ്രതിനിധി രഞ്ജിത്ത് ജോയിയുടെ അദ്ധ്യക്ഷതയിൽ കൂടിയ വാർഷികയോഗത്തിലാണ് ഇത് സംബന്ധിച്ച പ്രഖ്യാപനം ക്രൈസ്തവ എഴുത്തുപുര സ്ഥാപകനേതക്കളിലൊരാളും ജീവകാരുണ്യ ഡിപ്പാർട്ട്മെന്റായ ‘ശ്രദ്ധ’ യുടെ ജനറൽ ഡയറക്ടറുമായ പാസ്റ്റർ ഫിന്നി കാഞ്ഞങ്ങാട് നടത്തിയത്. കഴിഞ്ഞ പ്രവർത്തന വർഷത്തെ പ്രവർത്തനറിപ്പോർട്ടും, വരവ് ചിലവ് കണക്കുകളുടെ റിപ്പോർട്ട് അവതരണവും, തുടർന്നുള്ള പ്രവർത്തന തീരുമാനങ്ങളും യോഗത്തിൽ നടന്നു.

പ്രസിഡന്റ് പാസ്റ്റർ രാജേഷ് ജോൺ ഡൽഹി സംഗം വിഹാറിലുള്ള ഇവാഞ്ചൽ ബൈബിൾ ചർച്ച് സീനിയർ സഭാശുശ്രൂഷകനും വർഷിപ്പ് ലീഡറുമാണ്, വൈസ് പ്രസിഡന്റ്(മീഡിയ) അനീഷ് വലിയപറമ്പിൽ ഫരീദാബാദിൽ നഴ്സിംഗ് ഓഫീസറും, ക്രൈസ്തവ എഴുത്തുപുര ദിനപത്രം സബ് എഡിറ്ററും, ഉത്തരേന്ത്യയിലുളള ക്രൈസ്തവ മീഡിയ കൂട്ടായ്മയായ ‘നിക്മ’ (NICMA)യുടെ ജനറൽ ട്രഷററുമാണ്, വൈസ് പ്രസിഡന്റ് (പ്രൊജക്ട്) ദീന ജെയിംസ് ക്രൈസ്തവ എഴുത്തുകാരിയും, ക്രൈസ്തവ എഴുത്തുപുര ദിനപത്രം അസ്സോ. എഡിറ്ററും,ആഗ്ര മിഷനറിയായ പാസ്റ്റർ ജെയിംസ് ജോസഫിന്റെ സഹധർമിണിയുമാണ്. സെക്രട്ടറി
അഡ്വ സുകു തോമസ് സുപ്രീം കോടതിയിലെ അഭിഭാഷകനാണ്.വിവിധ മിഷൻ പ്രവർത്തനങ്ങളുടെ സഹകാരിയാണ്. ജോയിന്റ് സെക്രട്ടറി പാസ്റ്റർ അബീഷൻ ലിയോ എ എസ് ഡൽഹി ബവാനയിലുള്ള ട്രൂത്ത് സെറ്റ്സ് ഫ്രീ മിനിസ്ട്രീസിന്റെ സീനിയർ ശുശ്രൂഷകനായി സേവനം അനുഷ്ഠിക്കുന്നു. ട്രഷറർ അനീഷ് വർഗീസ് ഐ പി സി നോർത്തേൺ റീജിയൻ സഹീബാബാദ് സഭാംഗവും സ്വകാര്യ കമ്പനിയിൽ പ്രോസസ് എഞ്ചിനീയറായി ജോലി ചെയ്യുന്നു. ജോയിന്റ് ട്രഷറർ റിജിൻ രാജു ആർട്ട് ടീച്ചറാണ്. അപ്പർറൂം കോർഡിനേറ്റർ ജിജി പ്രമോദ് എഴുത്തുകാരിയും ക്രൈസ്തവ എഴുത്തുപുര കുടുംബ മാഗസിൻ എഡിറ്ററും, മാധ്യമകൂട്ടായ്മയായ NICMA എഡിറ്റോറിയൽ ബോർഡ് അംഗവും ഫരീദാബാദ് അസംബ്ലിസ് ഓഫ് ഗോഡ് ചർച്ച് സെക്ഷൻ പ്രസ്ബിറ്റർ പാസ്റ്റർ പ്രമോദിന്റെ സഹധർമിണിയുമാണ്.പ്രോഗാം കോർഡിനേറ്റർ ആശിഷ് ഐസക് വിദ്യാർത്ഥിയും ദ്വാരക രഹബോത്ത് അസംബ്ലിസ് ഓഫ് ഗോഡ് സബ്സിറ്റി ചർച്ച് അംഗമാണ്.മിഷൻ കോർഡിനേറ്റർ ഫെബിൻ കെ പോൾ ഗുഡുഗാവ് കോൺവെന്റ് സ്കൂളിൽ അക്കൗണ്ടന്റും ഗുഡുഗാവ് പി എം ജി സഭാംഗവുമാണ്.മീഡിയ കോർഡിനേറ്റർ പാസ്റ്റർ റോബിൻ ബാബു ഉത്തർപ്രദേശിലെ ഗാസിയാബാദ് ശാരോൻ ഫെല്ലോഷിപ്പ് സഭാ ശുശ്രൂഷകനാണ്. എക്സിക്യൂട്ടീവ് അംഗങ്ങളായി തിരെഞ്ഞെടുക്കപ്പെട്ട ജോയൽ ബിനോയ് എം എസ് ഡബ്യൂ വിദ്യാർത്ഥിയും ദിൽഷാദ് ഗാർഡൻ ഐ പി സി സഭാംഗമാണ്. സജീവ് എസ് എം വിവിധ മിഷൻ സംഘടനകളുടെ സഹകാരിയും ഗ്ലോബൽ വേൾഡ് മിഷൻ ഭാരവാഹിയും ഐ പി സി ജനക്പുരി സഭാംഗമാണ്, സൈമൺ സാമുവൽ മെക്കാനിക്കൽ എഞ്ചിനീയറും തുക്ക്ളക്കബാദ് ഐ പി സി സഭാംഗവുമാണ്.

കഴിഞ്ഞ അഞ്ചു വർഷത്തിലധികമായി ഡൽഹി കേന്ദ്രീകരിച്ചുള്ള ചാപ്റ്റർ പ്രവർത്തങ്ങളുടെ മുഖ്യ കാര്യദർശിയായി ന്യൂ ഇന്ത്യ ദൈവസഭകളുടെ അന്തർദേശീയ പ്രസിഡന്റ് ഡോ.ആർ ഏബ്രഹാം പ്രവർത്തിച്ച് വരുന്നു.പുതിയ പ്രവർത്തന വർഷത്തെ ക്രൈസ്തവ എഴുത്തുപുര ജനറൽ കൗൺസിലിൽ നിന്നും ചാപ്റ്റർ പ്രവർത്തനങ്ങൾക്കായി രഞ്ജിത്ത് ജോയിയും നിയമിതനായി.എഴുത്തുകാരനും, കെൽട്രോൺ ഡൽഹി ബ്രാഞ്ച് ഹെഡും,ഐ പി സി ദിൽഷാദ് ഗാർഡൻ സഭാംഗവുമാണ്.ഡൽഹിയുടെ ക്രിസ്തീയ മാധ്യമരംഗത്ത് ക്രൈസ്തവ എഴുത്തുപുരയ്ക്ക് ഇതിനകംതന്നെ വലിയ സ്വീകാര്യകതയാണ് ലഭ്യമായിട്ടുള്ളത്.

-ADVERTISEMENT-