റ്റി.പി.എം കടമ്പനാട് കൺവൻഷൻ നാളെ മുതൽ

On Dec 21, 2022 357

കൊട്ടാരക്കര: ദി പെന്തെക്കൊസ്ത് മിഷൻ കടമ്പനാട് സഭയുടെ ആഭിമുഖ്യത്തിൽ വാർഷിക കൺവൻഷൻ നാളെ ഡിസംബർ 22 മുതൽ 25 ഞായർ വരെ നാലാം മൈൽ റ്റി പി എം കൺവൻഷൻ ഗ്രൗണ്ടിൽ നടക്കും.
വ്യാഴം, വെള്ളി, ശനി ദിവസങ്ങളിൽ വൈകിട്ട് 5:45 ന് സുവിശേഷ പ്രസംഗവും വെള്ളി, ശനി ദിവസങ്ങളിൽ രാവിലെ 9.30 ന് ഉപവാസ പ്രാർത്ഥന, ശനിയാഴ്ച രാവിലെ 9.30 മുതൽ വൈകിട്ട് 4 വരെ കൊട്ടാരക്കര സെന്ററിലെ എല്ലാ പ്രാദേശിക സഭകളിൽ യുവജനങ്ങൾക്കായുള്ള യൂത്ത് മീറ്റിംഗും തുടർന്ന് സുവിശേഷ റാലിയും നടക്കും. ഞായറാഴ്ച രാവിലെ 9 ന് കൊട്ടാരക്കര സെന്ററിലെ 12 പ്രാദേശിക സഭകളുടെ സംയുക്ത വിശുദ്ധ സഭായോഗത്തോട് കൺവൻഷൻ സമാപിക്കും.