ക്രൈസ്തവ എഴുത്തുപുര കേരള നോർത്തേൺ ചാപ്റ്റർ പഠനോപകരണ വിതരണം മെയ് 24 ന് കാഞ്ഞങ്ങാട് നടന്നു.

കാഞ്ഞങ്ങാട് : ക്രൈസ്തവ എഴുത്തുപുര യു.കെ ചാപ്റ്ററിന്റെ നേതൃത്വത്തിൽ കേരള നോർത്തേൺ ചാപ്റ്ററിന്റെയും ശ്രദ്ധയുടെയും സഹകരണത്തോടെ വിദ്യാഭ്യാസപഠനോപകരണ വിതരണം മെയ് 24 ശനിയാഴ്ച വൈകുന്നേരം 3.00 മണി മുതൽ 5.00 മണി വരെ കാഞ്ഞങ്ങാട് പയനിയർ മിഷ്ണറി സഭാ ഹാളിൽ വെച്ച് നടന്നു. പാസ്റ്റർ.അശോകൻ പ്രാർത്ഥിച്ച് ആരംഭിച്ച മീറ്റിങ്ങിൽ ക്രൈസ്തവ എഴുത്തുപുര കേരള നോർത്തേൺ ചാപ്റ്റർ പ്രസിഡന്റ് സാമുവേൽ ജോർജ്ജ് അധ്യക്ഷത വഹിക്കുകയും ക്രൈസ്തവ എഴുത്തുപുരയുടെ പ്രവർത്തനങ്ങളെ കുറിച്ച് ആധികാരികമായി വിവരിച്ചു.

ക്രൈസ്തവ എഴുത്തുപുര ജനറൽ പ്രസിഡന്റ് പാസ്റ്റർ. ഫിന്നി കാഞ്ഞങ്ങാട് വിതരണോദ്ഘാടനം നിർവഹിച്ചു.  പാസ്റ്റർ. റോജി കെ വർഗ്ഗീസ് മുഖ്യ സന്ദേശം നൽകി. ക്രൈസ്തവ എഴുത്തുപുരയുടെ പ്രവർത്തനങ്ങൾ സഭകൾക്ക് അനുഗ്രഹമാണെന്നും സമൂഹത്തിലെ അർഹരായവർക്ക് നൽകുന്ന കൈത്താങ്ങലുകൾ പ്രശംസനീയമാണന്നും ഇനിയും ഈ പ്രവർത്തനം ലോക രാജ്യങ്ങളിലക്ക് വ്യാപിക്കട്ടെയെന്നും അദ്ദേഹം മുഖ്യപ്രഭാഷണത്തിൽ പറഞ്ഞു. പാസ്റ്റർ.അഭിജിത്ത് എസ് ജോൺ നേതൃത്വം നൽകി.

പാസ്റ്റർ ദേവസ്യ വർക്കി, പാസ്റ്റർ സന്തോഷ് കെ.പി, ബ്രദർ സുധീഷ് കെ.എൻ, ബ്രദർ. എബ്രാഹാം ജോർജ്ജ്, വിൽസി ശാമുവേൽ, എന്നിവർ ആശംസകൾ അറിയിച്ചു. പാസ്റ്റർ. തോമസ് കുറ്റിക്കോലിന്റെ പ്രാർത്ഥനയോടെ മീറ്റിങ്ങിന് സമാപനമായി… കാസർഗോഡ് ജില്ലയിലെ വിവിധ സഭകളിൽ നിന്നും 25 അർഹരായ കുഞ്ഞുങ്ങളെ തിരഞ്ഞെടുത്താണ് പഠനകിറ്റുകൾ നൽകിയത്.

- Advertisement -