നാം ആരാണെന്നു തിരിച്ചറിഞ്ഞു ജാഗ്രതയുള്ളവരാകുക: പാസ്റ്റർ സാംസൺ പി തോമസ്

അടൂർ: മനുഷ്യ സമൂഹം അധാർമികതയിലേക്ക് പോവുകയും മൂല്യങ്ങൾ നഷ്ടപ്പെടുത്തുകയും ചെയ്യുമ്പോൾ നാം ആരാണെന്നു തിരിച്ചറിഞ്ഞു ജാഗ്രതയുള്ളവരാകണമെന്ന് സി ഇ എം ജനറൽ പ്രസിഡന്റ്‌ പാസ്റ്റർ സാംസൺ പി തോമസ്. വശീകരണ സ്വാധീനമുള്ള ലോകത്തിൽ ദൈവത്തെ ലക്ഷ്യമാക്കി മുന്നേറണമെന്നും അദ്ദേഹം കൂട്ടിച്ചേർത്തു.

ഇന്ന് അടൂർ- മണക്കാല ഫെയ്ത്ത് തിയോളജിക്കൽ സെമിനാരിയിൽ ആരംഭിച്ച ക്രിസ്ത്യൻ ഇവാഞ്ചലിക്കൽ മൂവ്മെന്റ് (സി ഇ എം) 65മത് ജനറൽ ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം. ശാരോൻ ഫെല്ലോഷിപ്പ് ചർച്ച് മിനിസ്റ്റേഴ്സ് കൗൺസിൽ ജനറൽ സെക്രട്ടറി പാസ്റ്റർ പി വി ചെറിയാൻ മുഖ്യ സന്ദേശം നൽകി. സി ഇ എം ജനറൽ സെക്രട്ടറി പാസ്റ്റർ ടോണി തോമസ് അധ്യക്ഷത വഹിച്ചു. വൈസ് പ്രസിഡന്റ്‌ പാസ്റ്റർ ജോമോൻ കോശി സ്വാഗതം ആശംസിച്ചു. ഷിബു അലക്സ്‌, പാസ്റ്റർ സിജി ജോൺസൻ, പാസ്റ്റർ സാബു യോഹന്നാൻ, പാസ്റ്റർ കെ എ ഫിലിപ്പ് എന്നിവർ പ്രാർത്ഥനയ്ക്ക് നേതൃത്വം നൽകി. പാസ്റ്റർ ജോർജ് വർഗീസ്, പാസ്റ്റർ പി എ ചാക്കോച്ചൻ എന്നിവർ ആശംസകൾ അറിയിച്ചു. ക്യാമ്പ് വ്യാഴാഴ്ച സമാപിക്കും.

-ADVERTISEMENT-