ഏറ്റവും പുതിയ ട്രാൻസ്ഫോമേഴ്‌സ് വിബിഎസ് തീം ” റോയൽ മിഷൻ” റിലീസ് ചെയ്തു

തിരുവല്ല : ട്രാൻസ്ഫോമേഴ്‌സ് വിബിഎസിന്റെ ഏറ്റവും പുതിയ തീം “റോയൽ മിഷൻ” പ്രകാശനം ചെയ്തു.  ഓൺലൈനിൽ നടന്ന ഫാമിലി സെമിനാറിലാണ് പാസ്റ്റർ പ്രിൻസ് തോമസ് റാന്നി, തീം പ്രാർത്ഥിച്ചു ‌സമർപ്പിച്ചത്. മഹാരാജാവിന്റെ ദൗത്യം ചെറുപ്രായത്തിൽത്തന്നെ സ്വന്തജീവിതത്തിലൂടെ പ്രായോഗികമാക്കാൻ പുതുതലമുറയെ പ്രാപ്തരാക്കുന്നതാണ് ഈ പാഠ്യപദ്ധതി. ജനുവരി, ഫെബ്രുവരി മാസങ്ങളിൽ ട്രെയിനിംഗുകളും തുടർന്ന് വിബിഎസുകളും നടക്കും.

പുതുതലമുറയ്ക്ക് ശരിയായ ജീവിത ദർശനം പകരുന്നതിനുള്ള ട്രാൻസ്ഫോമേഴ്സിന്റെ ശുശ്രുഷയാണ് “വിഷൻ ബിൽഡിങ്ങ് സ്‌കൂൾ”(വിബിഎസ്). 3 മുതൽ 5 ദിവസത്തേക്ക് സഭകളിൽ നടത്തുന്ന വിബിഎസ് മധ്യവേനലവധിക്കാലത്തു കുട്ടികൾക്ക് ദൈവസാന്നിധ്യത്തിന്റെ ആഘോഷമായി മാറുന്നു. ആക്‌ഷൻ ഗാനങ്ങൾ, കഥകൾ, ഗെയിമുകൾ, ഒബ്ജക്റ്റ് ലെസ്സൺ, മൂവി, ക്രാഫ്റ്റ് തുടങ്ങി പപ്പറ്റ്, മാജിക് ഇങ്ങനെയെല്ലാം ഈ വിബിഎസിലുണ്ട്. മലയാളം, ഇംഗ്ലീഷ് കൂടാതെ ഹിന്ദി ഭാഷയിലും നടത്താവുന്ന വിബിഎസിന്റെ മെറ്റീരിയൽസ് ഓൺലൈനിൽ ലഭ്യമാണ് . ചുരുങ്ങിയ ചിലവിൽ കുറച്ചു കുട്ടികൾക്ക് വേണ്ടിപോലും നടത്താവുന്ന വിബിഎസ് എന്ന നിലയിൽ ലോക്കൽ സഭകൾക്ക് ട്രാൻസ്ഫോമേഴ്‌സ് വിബിഎസ് പ്രിയങ്കരമാണിന്ന്. ആദ്യം ബുക്ക് ചെയ്യുന്ന 50 വിബിഎസുകൾക്കു അതിൽ പങ്കെടുക്കുന്ന 100 കുട്ടികൾക്കുള്ള ചെറു സമ്മാനവും ഇത്തവണ ഉൾപ്പെടുത്തിയിട്ടുണ്ട്.

-ADVERTISEMENT-