ഓർത്തഡോക്‌സ് ക്രൈസ്തവ യുവജന പ്രസ്ഥാനത്തിന്റെ നേതൃത്വത്തിൽ സഹായം കൈമാറി

അട്ടപ്പാടി : മസ്‌ക്കറ്റ് മാർ ഗ്രീഗോറിയോസ് ഓർത്തഡോക്‌സ് ക്രൈസ്തവ യുവജന പ്രസ്ഥാനത്തിന്റെ നേതൃത്വത്തിൽ നടത്തി വരുന്ന ചാരിറ്റി പ്രവർത്തനങ്ങളുടെ ഭാഗമായി അട്ടപ്പാടിയിലെ നിർദ്ധനരും പാർശ്വവൽക്കരിക്കപ്പെട്ടവരുമായ ആദിവാസി കുട്ടികളുടെ വിദ്യാഭ്യാസ പുരോഗതിക്കായുള്ള സഹായ നിധി കൈമാറി .
യുവജന പ്രസ്ഥാനത്തിന്റെ 2023 -24 കാലയളവിലെ പ്രവർത്തനങ്ങളുടെ സമാപനം കുറിച്ചു കൊണ്ട് നടന്ന സമ്മേളനത്തിൽ വെച്ച് അട്ടപ്പാടി സെന്റ് തോമസ് ആശ്രമം ഡയറക്ടർ വെരി . റവ . എം . ഡി . യൂഹാനോൻ റമ്പാൻ കോർ എപ്പിസ്കോപ്പയ്ക്കു തുക കൈമാറി .
ഇടവക വികാരി റവ .ഫാ .ജോസ് ചെമ്മണിന്റെ അധ്യക്ഷതയിൽ ആഗസ്റ്റ് 23 വെള്ളിയാഴ്ച വൈകിട്ട് 6.30 മുതൽ റൂവി സെൻറ് തോമസ് ചർച്ചിൽ വെച്ച് നടത്തപ്പെട്ട സമ്മേളനത്തിൽ പ്രശസ്ത സിനിമ – സീരിയൽ നടി സ്വപ്‌ന ട്രീസ വിശിഷ്ടാതിഥി ആയിരുന്നു .
പ്രസ്ഥാനം ട്രസ്റ്റി ജോർജ് സാമുവേൽ സമ്മേളനത്തിൽ പങ്കെടുത്ത ഏവരെയും സ്വാഗതം ചെയ്തു .സെക്രട്ടറി ജോൺ പി .ലൂക്ക് 2023 -24 കാലയളവിലെ പ്രവർത്തനങ്ങളുടെ സംക്ഷിപ്ത റിപ്പോർട്ട് അവതരിപ്പിച്ചു . ഇടവക അസോ .വികാരി റവ ഫാ .ലിജു തോമസ് , മലങ്കര ഓർത്തഡോക്സ് സഭാ മാനേജിങ് കമ്മിറ്റി അംഗങ്ങളായ ഡോ. ഗീവർഗീസ്‌ യോഹന്നാൻ ,അഡ്വ .എബ്രഹാം മാത്യു , ഇടവക എക്സിക്യൂട്ടീവ് അംഗങ്ങളായ .ബിജു റ്റി .കെ,ശ്രീ .ബിജു ജോർജ് ,യുവജന പ്രസ്ഥാനം എക്സിക്യൂട്ടീവ് അംഗം .അജു തോമസ് എന്നിവർ ആശംസകൾ അറിയിച്ചു . പ്രോഗ്രാം കൺവീനർ ബിനു ജോസഫ് കുഞ്ഞാറ്റിൽ ഏവർക്കും നന്ദി അർപ്പിച്ചു .സമ്മേളനാനന്തരം Heart Beats Symphony അവതരിപ്പിച്ച ക്രിസ്തീയ ഗാനമേള നടത്തപ്പെട്ടു.

-ADVERTISEMENT-