വജ്ര ജൂബിലി നിറവിലായ എസ്ജി കോളേജിൽ അലുമ്നി അസോസിയേഷൻ വാർഷിക സമ്മേളനം തലമുറകളുടെ സംഗമമായി

കൊട്ടാരക്കര : കഥകളിയുടെ ഈറ്റിലത്ത് അറിവിന്റെ നിറകുടമായി വിദ്യയുടെ വെള്ളിവെളിച്ചം ആയിരങ്ങൾക്ക് പകർന്നു നൽകിയ സരസ്വതി ക്ഷേത്രത്തിൽ ഉൽസാവന്തരീക്ഷത്തിൽ തലമുറകൾ ഒത്തുചേർന്നു.
വജ്ര ജൂബിലി നിറവിലായ കൊട്ടാരക്കര സെന്റ് ഗ്രിഗോറിയോസ് കോളജിൽ നടന്ന അലുമ്നി അസോസിയേഷൻ വാർഷിക സമ്മേളനവും പ്രതിഭാ സംഗമവും
ശ്രദ്ധേയമായി.
ആറ് പതിറ്റാണ്ട് ഈ കലാലയത്തിൽ പഠിച്ചവരും അവരുടെ ഗുരുനാഥന്മാരും ഒരുമിച്ചു കൂടിയപ്പോൾ ഗുരുശിഷ്യ ബന്ധത്തിന്റെ ഊഷ്മളതയും തീവ്രതയും ഓരോ ചടങ്ങിലും തിളങ്ങി നിന്നു .
പൂർവ വിദ്യാർത്ഥിയും മാർത്തോമ്മാ സഭ ഭദ്രാസനാധിപനുമായ ഡോ.തോമസ് മാർ
തീത്തോസ് ഉദ്ഘാടനം ചെയ്തു.
വിദ്യാഭ്യാസം മൂല്യങ്ങളുടെയും ജീവിതാനുഭവങ്ങളുടെയും സമന്വയമാണെന്നും
നാളെയുടെ വാഗ്ദാനങ്ങളായ യുവജനങ്ങളെ ജ്ഞാനാമൃതം പകർന്നു നൽകി നവസമൂഹ നിർമ്മിതിയുടെ ഭാഗമാക്കിയ കലാലയമാണിതെന്നും അദ്ദേഹം പറഞ്ഞു.
അസോസിയേഷൻ രക്ഷാധികാരി,കോളേജ് മാനേജർ ഫാ. പ്രൊഫ.ബേബി തോമസ് അധ്യക്ഷത വഹിച്ചു.മുൻസിപ്പൽ ചെയർമാൻ എസ്. ആർ.രമേശ്,എഴുകോൺ
ഗ്രാമപഞ്ചായത്ത് പ്രസിഡൻ്റ് അഡ്വ.ബിജു എബ്രഹാം സെക്രട്ടറി ,
പ്രിൻസിപ്പൽ ഡോ.സുമി അലക്സ്,ജനറൽ കൺവീനർ കെ.ഒ.രാജുക്കുട്ടി,ജനറൽ സെക്രട്ടറി ഡോ.മനു വാസുദേവൻ,ട്രഷറർ മാത്യു വർഗീസ്, പ്രൊഫ.ജോൺ കുരാക്കാർ,
ബി.അനിൽ കുമാർ, അഡ്വ. സതീഷ് ചന്ദ്രൻ,അഡ്വ.സാജൻ കോശി, ഡോ. പിങ്കി ഏബ്രഹാം,
മെനു ജോൺ, എന്നിവർ പ്രസംഗിച്ചു.
ഐപിഎസ് നേടിയ കെ.എൽ.
ജോൺകുട്ടി,ദേവസ്വം ബോർഡ് മെമ്പർ ബി. സുന്ദരേശൻ,ഡിവൈഎസ്പിമാരായ എം.എം.ജോസ്,ബിനു വർഗീസ്, ഡോക്ടറേറ്റ് നേടിയ ലാന്‍സി കുരാക്കാർ, ലാലു.പി.ജോർജ് ,വിവിധ മേഖലകളിൽ വ്യക്തിമുദ്ര പതിപ്പിച്ച ഡോ.നാരായണ പണ്ടാല ,ജി.ആഷ,ഡോ.മുരളി മോഹൻ,സുരേഷ് വിലങ്ങറ,ആർ.ഗീത, ഡോ.സാഗർ തങ്കച്ചൻ,ജോർജ് ജേക്കബ് ചെങ്ങമനാട് ,വേണുമാധവ് എന്നിവരെ യോഗത്തിൽ ആദരിച്ചു.സർവീസിൽ നിന്നും വിരമിച്ച 20 പൂർവ്വ വിദ്യാർത്ഥികൾക്ക് ഉപഹാരങ്ങൾ സമ്മാനിച്ചു.
വിവിധ രംഗങ്ങളിൽ
ഉന്നത ബഹുമതി കരസ്ഥമാക്കിയ പൂർവ വിദ്യാർത്ഥികൾക്ക് അനുമോദനവും യൂണിവേഴ്സിറ്റി
റാങ്ക് ജേതാക്കൾക്ക് പുരസ്ക്കാരവും നൽകി.

-ADVERTISEMENT-