മണിപ്പൂരിനായി പ്രാർത്ഥനാ സംഗമം ഒരുക്കി ഐ.പി.സി മണർകാട് ഇമ്മാനുവേൽ പി.വൈ.പി.എ
മണർകാട്: “നീ ഈ സമയത്ത് മിണ്ടാതിരുന്നാൽ”. ഭാരതത്തിന്റെ നോവായി മാറിക്കൊണ്ടിരിക്കുന്ന മണിപ്പൂർ സംസ്ഥാനം പ്രാർത്ഥനയിൽ നമ്മുടെ നോവായി മാറട്ടെ എന്ന ലക്ഷ്യത്തോടെ ഐ.പി.സി ഇമ്മാനുവൽ മണർകാട് പി.വൈ.പി.എയുടെ ആഭിമുഖ്യത്തിൽ ഇന്ന് (27/7/23) വൈകിട്ട് 7 മണി മുതൽ 9 മണി വരെ മണിപ്പൂരിനായി പ്രാർത്ഥനാ സംഗമം ക്രമീകരിക്കുന്നു.
സഭാ പാസ്റ്റർ ജോമോൻ ജേക്കബ് നേതൃത്വം നൽകുന്ന ഈ പ്രാർത്ഥന സംഗമത്തിൽ പാസ്റ്റർ സി ജെ ജോസഫ്, പാസ്റ്റർ ഒ പി ജോയ്, പാസ്റ്റർ കെ ജെ ചാക്കോ എന്നിവർ ജാഗരണ പ്രാർത്ഥനകൾക്ക് നേതൃത്വം നൽകും.
പ്രത്യേകം എഴുതി തയ്യാറാക്കിയ പ്രാർത്ഥനാ വിഷയങ്ങൾ ഗ്രൂപ്പ് തിരിഞ്ഞ് പ്രാർത്ഥിക്കുന്നത് ആയിരിക്കും. പ്രാദേശിക പി.വൈ.പി.എ പ്രവർത്തകർ സംഘടിപ്പിക്കുന്ന ഈ മീറ്റിങ്ങിലേക്ക് സഭ വ്യത്യാസം കൂടാതെ ആർക്കും സംബന്ധിക്കാവുന്നതാണ്.
-ADVERTISEMENT-