ആങ്കേർഡ് ഇൻ ക്രൈസ്റ്റ്’ വി.ബി.എസ് ഓഗസ്റ്റ് 8 ന്

സ്കാർബറോ: പെന്തക്കോസ്തൽ അസംബ്ലി ഓഫ് ഒന്റാറിയോ (PAOT)യുടെ ആഭിമുഖ്യത്തിൽ ‘ആങ്കേർഡ് ഇൻ ക്രൈസ്റ്റ് – VBS 2026’ കുട്ടികളുടെ ബൈബിൾ പഠന ക്യാമ്പ് ഓഗസ്റ്റ് 8-ന് (ശനിയാഴ്ച) രാവിലെ 9 മുതൽ വൈകിട്ട് 4 വരെ സ്കാർബറോയിലെ 56 Lawson Rd, Scarborough, ON M1C 1P7 എന്ന സ്ഥലത്ത് നടക്കും.

“ആത്മാവിന് ഉറപ്പും സ്ഥിരതയുമുള്ള നങ്കൂരമായ പ്രത്യാശ നമുക്കുണ്ട്” (എബ്രായർ 6:19) എന്ന ബൈബിൾ വചനത്തെ ആസ്പദമാക്കി ഒരുക്കുന്ന വി.ബി.എസിൽ കുട്ടികൾക്ക് ആത്മീയവും സർഗാത്മകവുമായ പഠനാനുഭവമാണ് ഒരുക്കിയിട്ടുള്ളത്. ബൈബിൾ ക്ലാസുകൾ, സ്തുതിയാരാധന, പ്രായാനുസൃതമായ ആത്മീയ പരിശീലനം, സമുദ്രയാത്രയെ പ്രമേയമാക്കിയ ഗെയിമുകളും വിനോദ-വിദ്യാഭ്യാസ പ്രവർത്തനങ്ങളും, കലാ-ക്രാഫ്റ്റ് സെഷനുകൾ, സൗഹൃദ കൂട്ടായ്മ, ഉച്ചഭക്ഷണം എന്നിവ ഉൾപ്പെടെ വൈവിധ്യമാർന്ന പരിപാടികൾ നടക്കും.

ജീവിതത്തിലെ വെല്ലുവിളികളെയും പ്രതിസന്ധികളെയും ആത്മവിശ്വാസത്തോടെയും വിശ്വാസത്തോടെയും നേരിടാൻ യേശുക്രിസ്തുവിലുള്ള പ്രത്യാശയും വിശ്വാസവും കുട്ടികളിൽ വളർത്തിയെടുക്കുക എന്ന ലക്ഷ്യത്തോടെയാണ് ക്യാമ്പ് സംഘടിപ്പിക്കുന്നതെന്ന് സംഘാടകർ അറിയിച്ചു. പ്രവേശനം പൂർണമായും സൗജന്യമാണ്.

- Advertisement -