റവ. ഫിലിപ്പ് കെ മാത്യുവിന് ഐ. ടി. & ഡിജിറ്റൽ നവീകരണ രംഗത്ത് ഹോണറെറി ഡോക്ടറേറ്റ് ലഭിച്ചു

മണാലി: ഐ. ടി. & ഡിജിറ്റൽ നവീകരണ രംഗത്ത് അപൂർവ സംഭാവനകൾ നൽകിയ റവ. ഡോ. ഫിലിപ്പ് കെ മാത്യുവിനെ ഇന്ത്യൻ വിദേശകാര്യ മന്ത്രാലയത്തിൻറെയും ഐക്യരാഷ്ട്ര സംഘടനയുടെയും കീഴിൽ പ്രവർത്തിക്കുന്ന World Cultural Environmental Protection Commission (WCEPC) ഡോക്ടറേറ്റ് നൽകി ആദരിച്ചു.

മാർച്ചു 5ന് ന്യൂഡൽഹിയിലെ പ്രധാനമന്ത്രി സംഗ്രാലയ ഓഡിറ്റോറിയത്തിൽ വെച്ച് നടന്ന ഔദ്യോഗിക ചടങ്ങിൽ, ഉത്തർപ്രദേശ് മന്ത്രിസഭയിലെ സ്വാമി മഹാമണ്ഡ്ലേശ്വർജി, ജമ്മുകാശ്മീർ കമ്മീഷണർ ഡോ. രശ്മി സിങ് IAS, ബോളിവുഡ് താരങ്ങളായ എലീന തുടേജ, രാജേഷ് ബേഡി എന്നിവരും രാഷ്ട്രീയ സാമൂഹ്യ മേഖലകളിലെ മറ്റു പ്രമുഖ വ്യക്തികളും സാന്നിധ്യവഹിച്ചു.

കഴിഞ്ഞ 27 വർഷങ്ങളായി, ഡോ. ഫിലിപ്പ് കെ മാത്യു മീഡിയ, ടെക്നോളജി, ക്രിസ്തീയ പ്രഭാഷണ സേവനങ്ങൾ എന്നിവയുടെ പരിഷ്കരണത്തിലും, നൂതന ഡിജിറ്റൽ പരിഹാരങ്ങൾ കൊണ്ടുവരുന്നതിനും നിർണ്ണായക പങ്കുവഹിച്ചു.

ബിലിവേഴ്‌സ് ചർച്ച് സ്റ്റേറ്റ് ഓവർസിയർ, നാഷണൽ ഡയറക്ടർ ഓഫ് ഇവാഞ്ചലിസം, ഡയറക്ടർ ഓഫ് പബ്ലിക്കേഷൻസ് (GFA Books, GFA Bible Society), ആത്മീയയാത്ര ടെലിവിഷൻ ചാനൽ CEO എന്നീ നിലകളിൽ പ്രവർത്തിച്ചു.

2010-ൽ കേരളത്തിലെ ആദ്യത്തെ ഫുൾ HD സാറ്റലൈറ്റ് ടെലിവിഷൻ ചാനലായ ആത്മീയ യാത്ര ടിവി ആരംഭിച്ചത് ഡോ. ഫിലിപ്പ് കെ മാത്യുവിന്റെ നേതൃത്വത്തിലായിരുന്നു.

ക്രൈസ്തവ എഴുത്തുപുര, റാഫാ റേഡിയോ തുടങ്ങി ലോകമെമ്പാടുമുള്ള നിരവധി ക്രിസ്തീയ സംഘടനകൾക്കും സ്ഥാപനങ്ങൾക്കും വെബ്, മൊബൈൽ ആപ്പ് ഡെവലപ്മെന്റ്, റെഡിയോ-ടിവി ബ്രോഡ്കാസ്റ്റിംഗ് സേവനങ്ങൾ നൽകുന്നതിൽ മുൻനിരയിലുണ്ട്.

ഈ അംഗീകാരം, ഡോ. ഫിലിപ്പ് കെ മാത്യുവിന്റെ ജീവിതപ്രവൃത്തികൾക്കും, ടെക്നോളജി & ക്രിസ്തീയ മാധ്യമരംഗത്ത് വരുംകാലങ്ങളിൽ കൂടുതൽ ഗുണകരമായ സേവനങ്ങൾ നൽകാൻ പ്രചോദനമാകുമെന്ന് പ്രമുഖർ അഭിപ്രായപ്പെട്ടു.

ഡോ. ഫിലിപ്പ് കെ മാത്യു Revive India എന്ന മിഷൻ സംഘടനയുടെ സ്ഥാപകനും ഡയറക്ടറുമാണ്.

Revive Web Technologies Pvt. Ltd. എന്ന ഐ. ടി. സ്ഥാപനത്തിന്റെ മാനേജിങ് ഡയറക്ടറുമാണ്.

International Human Rights Protection Commission (IHRPC) ഹിമാചൽ പ്രദേശ് സ്റ്റേറ്റ് ചെയർമാനുമാണ്.

പാലക്കാട് ജില്ലയിലെ വടക്കഞ്ചേരി സ്വദേശിയായ ഡോ. ഫിലിപ്പ് കെ മാത്യു, കെ. സി. മാത്യു & കുഞ്ഞമ്മ മാത്യു ദമ്പതികളുടെ ഇളയ മകനാണ്. ഭാര്യ ഷൈനി ഫിലിപ്.

മക്കൾ: യോഹന്നാൻ & റോയ്സ്.

-ADVERTISEMENT-