ക്രൈസ്തവ എഴുത്തുപുര ഗുജറാത്ത് ചാപ്റ്റർ പ്രവർത്തന ഉദ്ഘാടനം ഇന്ന് വഡോദരയിൽ

വഡോദര/ ഗുജറാത്ത്: ക്രൈസ്തവ എഴുത്തുപുര ഗുജറാത്ത് ചാപ്റ്ററിന്റെ 2023 – 24 വർഷത്തെ പ്രവർത്തന ഉദ്ഘാടനം ഇന്ന് മെയ് 14 ന് വൈകിട്ട് 7 മണിക്ക് വഡോദര ശാലേം പ്രയർ ഹോമിൽ വെച്ച് (7, അർപിത കോംപ്ലക്സ് ) നടക്കും. ചാപ്റ്റർ പ്രസിഡന്റ്‌ പാസ്റ്റർ ടൈറ്റസ് ജെ കുരുവിളയുടെ അധ്യക്ഷതയിൽ ക്രൈസ്തവ എഴുത്തുപുര പബ്ലിക്കേഷൻസ് ഡയറക്ടറും മാഗസിൻ്റെ ചീഫ് എഡിറ്ററുമായ പാസ്റ്റർ ജോൺ പി തോമസ് വെണ്ണിക്കുളം ഉദ്ഘാടനം നിർവഹിക്കും. ഓസ്ട്രേലിയ ചാപ്റ്റർ ഇംഗ്ലീഷ് ന്യൂസ്‌ കോർഡിനേറ്റർ പാസ്റ്റർ ജെയിംസ് ജോൺ സന്ദേശം നൽകും. ഗുജറാത്ത് ചാപ്റ്ററോട് ചേർന്ന് ബറോഡ യൂണിറ്റും ഈ സമ്മേളനത്തിന്റെ ക്രമീകരണങ്ങൾക്ക് നേതൃത്വം നൽകും.

-ADVERTISEMENT-