SFCNA 20-ാമത് ഫാമിലി കോൺഫറൻസ്; നാഷണൽ പ്രയർ ലൈൻ സെപ്റ്റംബർ 6ന്

ചിക്കാഗോ: ഷാരോൺ ഫെലോഷിപ്പ് ചർച്ച് ഓഫ് നോർത്ത് അമേരിക്കയുടെ (SFCNA) 20-ാമത് ഫാമിലി കോൺഫറൻസിന്റെ മുന്നൊരുക്കങ്ങളുടെ ഭാഗമായി നാഷണൽ പ്രയർ ലൈൻ സെപ്റ്റംബർ 6 ഞായറാഴ്ച വൈകിട്ട് 7ന് (CST) ഓൺലൈനായി നടക്കും.

“Grow in Christ & Advance the Kingdom” (ക്രിസ്തുവിൽ വളർന്ന് രാജ്യത്തെ മുന്നോട്ട് നയിക്കുക) എന്നതാണ് 2027ലെ ഫാമിലി കോൺഫറൻസിന്റെ ചിന്താവിഷയം. എഫെസ്യർ 4:15–16 ആധാരമാക്കിയുള്ള കോൺഫറൻസ് 2027 ജൂലൈ 8 മുതൽ 11 വരെ ചിക്കാഗോ, ഇല്ലിനോയിസിൽ നടക്കും.

നാഷണൽ പ്രയർ ലൈൻ യോഗത്തിൽ റവ. ഡോ. മണി വർഗീസ് മുഖ്യസന്ദേശം നൽകും. പാ. ചാക്കോ ജോർജ് യോഗത്തിന് നേതൃത്വം നൽകും. SFC Kansas ആരാധനയ്ക്ക് നേതൃത്വം നൽകും.

കോൺഫറൻസിന്റെ ആത്മീയ ഒരുക്കങ്ങൾക്കും അനുഗ്രഹകരമായ നടത്തിപ്പിനുമായി വിവിധ സഭകളിൽ നിന്നുള്ള വിശ്വാസികൾ പ്രാർത്ഥനയിൽ പങ്കുചേരണമെന്ന് സംഘാടകർ അഭ്യർഥിച്ചു. SFCNAയുടെ ഔദ്യോഗിക അറിയിപ്പിലും ഫാമിലി കോൺഫറൻസിനായുള്ള പ്രയർ ലൈൻ ആരംഭിക്കുന്ന വിവരം വ്യക്തമാക്കിയിട്ടുണ്ട്.

സെപ്റ്റംബർ 6ന് നടക്കുന്ന പ്രയർ ലൈനിൽ Zoom വഴി പങ്കെടുക്കാം. പോസ്റ്ററിൽ നൽകിയിരിക്കുന്ന വിവരങ്ങൾ പ്രകാരം Zoom ID 843 5700 9694യും Passcode 2027ഉം ആണ്.

- Advertisement -